Nuk janë rrezet e fundit…
nga Dom Gjergj Meta*
Të uroj paqen e Zotit në zemrën tënde dhe në familjen tënde.
E di, do të fillosh të mërzitesh e të bëhesh nervoz nga mbyllja. Do vijë momenti që edhe fjala e mirë do të duket e keqe. Edhe njerëzit e dashur mund të duken të padurueshëm.
Por, rri në shtëpi të lutem!
Diell do ketë përsëri, pranvera e vera do të vijnë në këtë planet përsëri, por nëse nuk rri në shtëpi ty ose dikujt tjetë pranë teje i zvogëlohet shansi për t’i parë e shijuar përsëri?
Nuk janë rrezet e fundit e ditët e fundit me diell që duam t’i kapim se s’bën.
Por mund të jenë të fundit për ty apo njerëzit e tu nëse ti nuk je i kujdesshëm. Mos u bëj egoist. Egoizmi në këtë rast nuk është vetëm ves, por edhe krim. Është rasti kur bëhesh kriminel me një shëtitje.
Rri në shtëpi!
Lutju Zotit, duaj të afërmin tënd dhe ushtro durimin tënd.
Ditë të bukur plot diell në zemrën tënde!
*Ipeshkëv i Dioqezës së Rrëshenit
