Nuk justifikoi pasurinë, shkarkohet drejtuesi i Gardës
Komisioni i Jashtëm i Vlerësimit ka shkarkuar njërin nga drejtuesit e Gardës. Zv/Drejtori i Drejtorisë për Sigurinë Fizike të Personaliteteve të Larta Shqiptare, Besim Shabani, nuk justifikoi pasurinë.
Shabani rezultoi i pastër në figurë dhe nga ana profesionale por kishte probleme me pasurinë.
“Për figurën kemi kryer kontrollin tonë dhe nga përgjigjet e marra na rezulton se s’ka asnjë denoncim nga publiku. Formulari figurës i plotësuar saktë. I përshtatshëm për të vazhduar detyren. S’ka kontakt me krimin.
Kurse për anën profesionale ai ka shkollë formuese akademia Skënderbej dikur. Ndër vite shumë trajnime. Arsimi e niveli i tij në perputhje me ligjin. Edhe urdhri psikologut i ka bërë interviste dhe rezulton se s’ka asnjë problem psiqik. Ka qëndrueshmëri dhe e i aftë për punë. Nga viti 2007 ska asnjë masë disiplinore ndaj tij. Në 2010 ka marrë një masë falenderuese e vlerësuese.
Gradat ndër vite deri te ajo e kolonelit i ka marrë në mënyre te ligjshme. Shabani ka qene korrekt ne komunikim me vettingun e oergjigjur ne kohe. Gruaja e Shabanit është mësuese prej 1999-ës deri ne 2018-ën kur ka depozituar deklaratën. Janë te dhëna të sakta,” thekson Komisioni i Vlerësimit gjatë seancës por Shabani nuk ka mundur që të provojë ndihmën prej 20 mijë dollarë që i ka dhënë i vëllai për blerjen e banesës.
“Nuk arriti Shabani te na provojë ligjërisht ndihmën e të vëllait me 20 mijë dollarë. Por do vlerësohet kjo në fund. Shabani duhet të plotësonte satësisht çdo të dhënë dhe informacion për pasuri e llogari bankare. Nderkohë rezulton që nje llogari bakare e mbyllur, para se të plotësonte deklaratën e të dilte ne vetting se ka raportuar.
Subjekti ka përfituar disa interesa bankare në vlerën e 1563 dollarë. Te cilat si ka treguar. Në 2007 ka hapur një llogari bankare 20 mijë dollarë. Automjetin e deklaruar saktë dhe e ka blere me te ardhura te ligjshme,” thekson trupa e vlerësimit e Komisionit të Jashtëm të Vlerësimit e përbërë nga Ledian Rusta, Luljeta Qoku, Sonila Kadareja ka vendosur shkarkimin e tij.
