“Nuk ka ardhur prokuroria”/ Edi Rama ngatërron Gjushin me Isa Sakjen: Ndërton pallate në rërë…
Njeriu që shkatërroi Tiranën si kryebashkiak dhe sot është shefi i Vangjush Dakos, i cili shkatërroi qytetin e Durrësit, vizitoi Golemin dhe ndonëse ishte paralajmëruar inspektimi i punimeve të shkollës, “Charles Telford Erikson” në Golem të Kavajës, ai ishte aty për të akuzuar për ndërtimet e kryebashkiakut; Jo të Gjushit, se do e gëdhinte ditën e hënën nga numri i akuzave që e rëndojnë të parin e Durrësit, por kryetarin e Bashkisë së Kavajës, Isa Sakja, dhe nga ajo që tha arsyeja e vetme ngelet se ai është i Partisë Demokratike
“Të bëhet një projekt për konviktet dhe bëjmë konviktin si pjesë e shkollës dhe t’ia lëmë shkollës, ose të gjejmë një formë administrimi se bashkia këtu nuk ka ndërmend të bëjë as konvikte as shkolla. Bashkia këtu ndërton pallate në rërë, akoma sot e gjithë ditën dhe s’kanë faj përderisa sot akoma s’ka ardhur dora e prokurorisë,” tha kryeministri Edi Rama i cili mohon çdo projekt të Bashkisë së Kavajës por nuk mjaftohet me kaq. Ai Komunën e Golemit e mëson që të mos bashkëpunoj me Bashkinë e Kavajës, ashtu siç vepron vetë:
“Ndërkohë bëni projektin ose në qoftë se e keni çuar në bashki ta merrni mbrapsht. Ta bashkojmë shkollën me konviktin dhe të gjithë këtë ta bëjmë si kampus për nxënësit dhe pastaj të shikojmë edhe projektin e shkollës 9 vjeçare Golem,“ ishte porosia e Kryeministrit për ata që duan të rrespektojnë ligjin dhe bashkëpunojnë me Bashkinë pavarësisht se drejtohet nga një kandidat i PD-së.
Por kjo nuk i intereson Edi Ramës edhe pse e ka të qartë se shkolla në Golem, nuk frekuentohet vetëm nga nxënësit e zones, dhe interes të madh për t’u shkolluar kanë treguar edhe të rinjtë e qyteteve të tjera si Kukësi, Librazhdi etj.
“Të treja degët janë degët më të mira që mund të ketë arsimi profesional. Ne, edhe për vetë zonën ku jemi mendojmë që shkolla ti ketë këto degët. I ka pasur historikisht dhe duhet ti ketë. Një interes të madh ka edhe nga nxënës që nuk janë të kësaj zone si Kukësi, Librazhdi, etj. Agrobiznesi dhe veterinaria marrin bursa.Kështu që prindërit janë të interesuar t’i sjellin edhe për bursën, por problemi është akomodimi dhe ky është një minus shumë i madh. Konviktet janë në administrimin e bashkisë dhe janë në gjendje të mjerueshme,” tha i pari i Qeverisë që nuk njeh bashkitë e administruara nga kandidatët e Partisë Demokratike dhe flet për Bashkinë e Kavajës thuajse është Bashki e Kosovës, të cilën vazhdon të mos e honeps dot.
