Nuk ka dhënë asnjë arsyetim për Lleshin, Ruçi shkon në takim me Metën

Një ditë pas takimit te Kryeministrit Edi Rama dhe Presidentit Ilir Meta, kryetari i Parlamentit, Gramoz Ruçi ka bërë lëvizjen e radhës. Mësohet se Ruçi ndodhet në Presidencë, për të diskutuar me Metën për mosdekretimin e Sandër Lleshit si ministrin e ri të Brendshëm.

“Presidenti nuk ka dhënë asnjë arsyetim për mosbindjen e tij për kandidaturën e Sandër Lleshit:, mësohet t’u ketë thënë Rama deputetëve në mbledhjen e Grupit Parlamentar të PS.”

Ky do të jetë takimi i dytë brenda një viti i dy social-komunistëve në kushtet e përplasjeve ndërideologjike. Kujtojmë qershorin e vitit 2017 kur Ilir Meta si kryetar i Parlamentit tha se e njeh mirë Gramoz Ruçin, e ky i fundit i përgjigjet se ai edhe mund të shkarkohet si President i Republikës.