Nuk ka kolaps të sistemit shëndetësor, Manastirliu: jemi të përgatitur për disa skenarë me COVID!

Sistemi shëndetësor është në kolaps tha Ministrja e Shëndetësisë, Ogerta Manastirliu, pas akuzave të Partisë Demokratike por nxitoi te Spitali Infektiv të vëjë në rresh mjekët dhe shefen e Infektivit, Dr.Najada Çomon duke bërë propagandë mbi gjendjen në spitale dhe kapacitetet aktuale.

“Do të hapim spitalin COVID3, mjekët dhe infermierët i kemi trajnuar, spitali është i gatshëm të hapet sot, nesër, në çdo moment që do të ezaurohen kapacitetet e dy spitaleve të para,” vazhdoi me propagandë Ministrja e Shëndetësisë duke falenderuar mjekët dhe infemrierët e këtij shërbimi për punën e palodhur, ndërsa akuzoi rivalët politik duke mos arsyetuar asgjë prej atyre që denoncoi Partia Demokratike.

“Nuk dua te dekurajoheni nga ato që dëgjoni. Kam ardhur këtu t’ju jap kurajë të vijoni punën ashtu siç keni bërë deri tani, të jeni të sigurt që mbështetja e qeverisë do vijoj pa u ndaluar ashtu siç ka ndodhur deri tani,” tha Manastirliu duke shtuar se përveç spitaleve COVID3 dhe COVID4 edhe spitalet rajonale janë parapërgatiur në infasrtukturë dhe burime njerezore për ti bërë ballë çdo skenari.

“Nuk ka kolaps të sistemit shëndetësor. COVID nuk është lojë, e gjithë bota është në vështirësi. Jemi të përgatitur për disa skenarë. Spitali ‘COVID 3’ do hapet kur të ezaurohen kapacitetet, gjithashtu ndërtuam spitali COVID4 dhe spitalet rajonale sipas disa skenarëve të parapërgatitur. Kemi shtuar kapacitetet në sistem për të mos prekur pjesën tjetër të sistemit.”

Dhe, meqë nuk sqaroi asgjë nga ato që tha opozita, Ministrja Manastirliu bëri atë që din më së miri, propagandë dhe iu drejtuar qytetarëve që të bëjnë kujdes:

“Kjo është për të mirën tuaj dhe për të mirën e shëndetit të të afëmve tuaj, ndaj duhet të jeni shumë të kujdesshëm: vendosni maskën, të ruani distancimin fizik dhe të kujdeseni për higjenën.”