Nuk ka më dilema, ja pse Edi Rama vuri në krye të Kadastrës Kombëtare një injorant!

Kreu i Agjencisë Kombëtare të Kadastrës, Artan Lame, doli sot për të bërë publik bilancin e 6 muajve të këtij institucioni që shkriu në një, Hipotekat dhe ALUIZNI-n, por konfirmoi se Edi Rama trashëgoi avazin e vjetër të paraardhësve, që pronat ti kontrolloj dhe menaxhoj një injorant komunist i cili nuk e ka idenë as çfarë është prona.

Sipas rilindasit Lame, ajo çka ka ndodhur me pronën në këtë çerekshekulli në Shqipëri, e tejkalon atë që ndodhi gjatë gjysmëshekullit të mëparshëm. Për një çoban të këtij niveli edhe mund të jetë statistikë e besueshme, por çfarë tha Artan Lame sot:

“Prej disa muajsh, pas përmbylljes së riorganizimit institucional të saj, Kadastra Shqiptare po merret me sfidën më të vështirë që ka përpara vetes: Shthurjen e rrjetës çerekshekullore të kaosit të pronave, abuzimit me pronat dhe plaçkitjes së pronës.

Duhet të jemi të qartë me veten dhe me shqiptarët: Ajo çka ka ndodhur me pronën në këtë çerekshekulli në Shqipëri, e tejkalon atë që ndodhi gjatë gjysmëshekullit të mëparshëm.

Diktatura shpronësoi shqiptarët, por prona mbeti po aty, në dorën e shtetit dhe me rrëzimin e sistemit socialist, do të duhej të fillonte procesi i kundërt, ai i kthimit të pronës tek i zoti, ai i ndarjes së drejtë të tokës tek fshatari, ai i privatizimit nga pozita të barabarta e kështu me radhë. Për fat të keq, nuk ndodhi kështu gjithmonë.”

Pra, rilindasi Lame ende nuk e ka të qartë se çfarë është shpronësim dhe çfarë plaçkitje. Shteti komunist i plaçkiti shqiptarët, por Lame duke e shfajësuar këtë regjim kriminal të gjysmëshekullit të mëparshëm, tha se prona mbeti aty, por nuk tha se ata që tjetërsuan pronat në këtë çerekshekulli në Shqipëri ku mbetën. Në rastin më të mirë për Lamen, janë rivalët politik të rilindjes me emër dhe mbiemër, dhe në rastin më të keq janë pjesë e Administratës që ai drejton ose edhe e Edi Ramës, që vërtetë kanë nga 3 e 4 emra, por gjurmët e gishtërinjëve i bashkojnë këto vese.

Dhe, pas gjashtë vjet qeverisjeje, kur vendimet e Gjykatës së Strasburgut për kthimin dhe kompensimin e pronave, shefi i tij Edi Rama nuk i përfill, Artan Lame, duke u shitur si i shqetësuar për pronat e shqiptarëve sjellë fjalë të thata se prona po tjetërsohet në bregdetin shqiptar dhe zonat me fluks ekonomik.

“Por, pikërisht në këto zona, problematikat e trashëguara të pronave bllokojnë shumicën e investimeve. Do të përmendja këtu zonat bregdetare përgjatë gjithë Jonit dhe Adriatikut, apo zona të tjera me fluks ekonomik si ato përreth qyteteve të mëdha dhe veçanërisht Tiranës, Durrësit dhe Elbasanit. Kronikat e mediave në gjithë këto vite kanë trajtuar herë pas here problematika të tilla, por përgjatë këtij viti ky fluks është shtuar. Do të veçoja dy arsye për këtë çështje, e para tani Shqipëria kjo është, bregdeti i saj u nda dhe u stërnda dhe konfliktet kanë filluar të ngrenë krye ngado; dhe e dyta, gjatë këtij viti ndjeshmëria dhe reagimi i qeverisë dhe i Agjencisë së re të Kadastrës, duke vënë dorën në plagë është rritur dukshëm. Përpara disa kohësh, unë paralajmërova se problematika si ato të Vlorës do të bëhen publike edhe në zona të tjera. Do të ndeshen në Sarandë, ku i gjithë bregdeti i qytetit, i gjithë amfiteatri i kodrave të Sarandës është ndarë dhe rindarë e mbindarë në më tepër se dy-tri herë, përfshi dhe zona që praktikisht janë në det. I ndeshim në zonën e Butrintit dhe përreth tij, në situatat tragji-komike të Butrintit antik, i cili sot del me pronar.

Do ndeshen përgjatë Rivierës së Jonit, ku së shpejti ne do të fillojmë regjistrimin fillestar dhe nga ku sondazhet na rezultojnë mbivendosje deri në katër pronarë të ndryshëm për të njëjtën tokë”, tha Lame.

Ai u shpreh më tej se problematika të tilla janë bërë publike dhe do të vazhdojnë të bëhen publike në gjithë Gadishullin e Karaburunit, ku falë ndërhyrjes së Task-Forcës së Kryeministrisë u mundua t’i kthehej shtetit rreth 25 hektarë tokë e grabitur por nuk tha se sa prej kësaj toke ishte shteti që i grabiti qytetarit shqitar.

“Problematika të tilla do t’i ndeshim në bregdetin e mrekullueshëm të Spillesë, ku edhe këtu në një pikë që vuri dorën qeveria u zbulua një vjedhje kolosale e tokës shtet, e cila i është referuar organeve ligjore, apo po këtu, i gjithë brezi i pishave përgjatë bregdetit, tani rezulton i ndarë si tokë buke.

Do t’i ndeshim këto problematika në të gjithë Gjirin e Durrësit, ku pikërisht këto ditë organet ligjzbatuese kanë ndërmarrë veprimet e para, nisur edhe nga indicie të bëra nga ana e Agjencisë Shtetërore të Kadastrës.

Më tej,  do t’i ndeshim këto problematika në Gjirin e Lalzit dhe në bregdetin e Shëngjinit ku edhe bankina e portit ka dalë me pronar. Do t’i ndeshim këto problematika në Bregdetin e Velipojës, ku si tokë buke janë ndarë dhe pjesë e kënetave që prej mijëra vjetësh janë nën ujë,” tha kreu i Kadastrës i cili vazhdon edhe në artikulimin e tij politik të pasqyroj faktin se pse gjatë këtijë çerekshekulli në Shqipëri, menaxhimin, ruajtjen dhe kthimin e pronave si tek ALUIZNI , AKKP, ashtu dhe Hipoteka e kanë bërë injorantët.

Në fund, Artan Lame harron se pronë janë edhe qindëra mijëra karroca me flori që bashkëpartiakët e tij i plaçkitën, ose siç thotë kreu i Kadastrës Kombëtare, shpronësuan shqiptarët, dhe nuk janë aty! Aty ku thotë Lame!!!

Kështu, për të qenë të qartë me veten dhe me shqiptarët, Artan Lame duhet ta dijë se për atë që ndodhi me pronat gjatë gjysmëshekullit të mëparshëm në Shqipëri, nuk duhet çerekshekulli për të rregulluar, madje as çerekviti, por:

E para, në krye të Kadastrës Kombëtare duhet të jetë një njeri që e din se çfarë është prona, dhe ajo as grabitet dhe as nuk shpronësohet por shkon te i zoti;

E dyta, të mos jetë komunist sepse nga prona ai nuk e ka idenë, vetëm është ekspertë që ta ndajë me të tjerët!

Dhe, e treta, ti thotë shefit të tij Edi Rama, që ta zhbllokoj Gjykatën Kushtetuese sepse konsumimi i kësaj shkalle të gjyqësorit u lejon shqiptarëve të vazhdojnë rrugën drejtë Strasburgut, aty ku Reforma në Drejtësi nuk ndikon dhe krijon siguri te investitorët e huaj për pronën në Shqipëri!