Nuk ka më Mini Shengen! Kurti nga Tirana: Serbia të distancohet nga nga regjimi i Milosheviçit!
Pas Samitit të liderë Ballkanit që u zhvillua në Tirana, Kryeministri i Kosovës, Albin Kurti, tha se nuk ka më Mini Shengen ndërsa kishte një mesazh të veçant për shtetin serb ndonëse lideri i saj, Aleksandar Vuçiç, nuk ishte aty. Serbia, tha Kurti, duhet të distancohet nga regjimi i Milosheviçit duke qenë se nuk ka zgjidhje tjetër veçse të njihet pavarësia e Kosovës e cila po mbanë peng Serbinë.
“Meqenëse isha në një konferencë tjetër në Selanik përmes Zoom-it nga Pallati i Bridagave, nismat e ndryshme i bëjnë bashkë liderët e Ballkanit për të sjellë në frymën e integrimeve europiane. Në fjalën time fillova duke konstatuar se përderisa 6 shtetet e BE janë në Europë, BE nuk është Europë pa u anëtarësuar edhe këto shtete. Shteti i Kosovës është shteti më pro europian në Europë dhe jemi të vendosur për të zbatuar reformat tona.
Nismat rajonale po ngecin për shkak se mungon njohja e Kosovës nga Serbia. Njohja do bënte që vendet të bashkëpunonin më shumë. Nuk mjafton vetëm tregu i përbashkët por që vlerat e BE të vendosen në raportet mes shteteve. Në fund dhashë një propozim si mund të ecim para. Kjo është marrëveshje e tregut. Për të organizuar samite të përbashkëta çdo tre vjet dhe në fund të kësaj dekade të ishim të gatshëm për integrim në BE. Ajo që është më e rëndësishme është se Serbia të njohë pavarësinë e Kosovës për të pranuar aktualitetin real. Nuk ka më Mini Shengen. Ajo inciativa më shumë ka qenë e lidhur me Novi-Sadin,” tha qartë Kryeministri i Kosovës duke shtuar se tashmë është një çështje që trajtohet nga procesi i Berlinit me emër tjetër dhe koordinata të tjera.
“Kosova dhe Shqipëria nuk kanë nevojë për shumë mund që të jenë të koordinuara. Nuk shoh të ketë dallime sa i përket politikës së jashtme. Tregu i përbashkët rajonal është tashmë pjesë e procesit të Berlinit. Qeveria e Kosovës dhe ajo e Shqipërisë me qeverinë e ardhshme do kenë komunikim të dendur dhe strategji të përbashkët në shumë fusha jo vetëm atë të politikës së jashtme. Ka ekzistuar një lloj polemike,” tha Kryeministri i Kosovës, Albin Kurti, nga Tirana duke përfunduar:
“Serbia duhet të shkëputet duke u distancuar nga regjimi i Milosheviçit duke qenë se nuk ka zgjidhje tjetër veçse të njihet pavarësia e Kosovës. Pavarësia e Kosovës nuk është e mirë vetëm për Kosovën por edhe për Serbinë se po mban edhe veten peng. Para 13 vitesh Kosova e ka shpallur pavarësinë ngë Serbia. Të kalohet nga Cefta në Sefta, Sefta është sipas modelit. Kjo është zgjidhja e duhur duke e ngritur ambiciet tona dhe bashkëpunimin rajonal.”
