Nuk ka para për gratë, Ilda Zhulali: Erion Veliaj duhet të çojë paratë te inceneratori fantazëm!
Erion Veliaj ka përjashtuar gratë nga autobusi falas, nuk ka para sepse duhet t’ja çojë inceneratorit fantazëm, për drejtorët e 5D dhe xhepin e tij, tha anëtarja e Këshillit Bashkiak nga radhët e PD, Ilda Zhulali, në protestën e 43-të përpara Bashkisë Tiranë, aty ku rri ende pronari faktit i inceneratorit fantazmë.
“E mbani mend se si përpara dy vitesh, bashkë me Këlliçin propozuam autobuzin falas, si një zgjidhje për tu ardhur në ndihmë të gjithë atyre që e perdorin këtë mjet, për të ulur koston e shpenzimeve në Tiranë.
Çfarë bëri Veliaj, se ndihej i fuqishëm atherë? Nuk bëhet tha autobuzi falas, na solli një ekspert që të na thoshte se nuk ka autobus falas për banorët e Tiranës, mirëpo tani që u shtrëngua litari në fyt, tha se do e bëj autobusin falas vetëm për pensionistët, edhe pse po i poshtëron në ato radhët atje, ky është Veliaj,” tha Ilda Zhulali duke fol për shokun e hajdutëve 5D, për të cilin u zotua se PD do e heq nga detyra.
“Ka përjashtuar gratë, të cilat e përdorin më shpesh autobuzin, edhe pse për shkak të detyrave janë ata që e përdorin më së shumti, janë të përjashtuara nga autobusi falas,” tha anëtarja e Këshillit Bashkiak nga radhët e PD, Ilda Zhulali, duke përfunduar.
“Kjo është qeveria e tyre e Veliaj nuk ka para për gratë, se duhet të ja çojë inceneratorit fantazëm, të ja japi drejtorëve të 5D, ti fusë këto para në xhepin e tij, njësoj si ky edhe Rama nuk ka para për pensionistët se duhet t’i çojë te koncensionet.”
Ndërsa Drejtuesi Politik i PD për Qarkun Tiranë, Belind Këlliçi, duke fol para qytetarëve në protestën para Bashkisë Tiranë ku vazhdon dhe kërkohet dorëheqja e Erion Veliaj, si pronari faktik i inceneratorit, nën hetim nga Prokuroria e Posaçme për 4 vepra penale, tha se SPAK është duke i dhënë kohë për të shkuar për të gjetur azil politik.
“Faleminderit të gjithë protestuesve për protestën e 43-të, një protestë rekord që i shërben qytetarëve të Tiranës, për të bërë diferencën midis Partisë Demokratike, një force politike që është me qytetarët çdo ditë ne rrugë e sheshe, dhe një bande dhe një grup i strukturuar krriminal, që sot quhet Parti Socialiste.
Është ajo parti që nuk mund të jetë më, një forcë politike që ka në burg ministra, deputetë e drejtorë të lartë të administratës, drejtorët të dënuar për përdhunim në grup, e hajduta vilash e xhepash, nuk mund të jetë më një parti politike.
Ndaj, të dashur miq, qytetarë e demokratë, buzëqeshni sepse ajo periudhë e artë që ka nisur në SHBA me Presidentin Trump do të nisë dhe në Shqipëri në datën 12 maj, kur PD t’i fitojë zgjedhjet për të mirën e Shqipërisë, jo për interesa të PD, po për të gjithë shqiptarët,” tha Belind Këlliçi ndërsa foli dhe për mesazhe që merr çdo ditë nga socialist, punonjës në bashki që detyrohen të firmosin praktika korruptive për të mbajtur punën dhe fëmijët e tyre me bukë.
“Ndërkohë që Veliaj, një hajdut i shpërfytyruar vjedh çdo ditë taksa të qytetarëve pa ju dridhur qerpiku dhe me lejen e plotë nga kolegët e tij në SPAK, apo forumi rinor i PS që është tek SPAK.
Të dashur qytetarë, Erion Veliaj para dy ditësh është ktheyr nga një vizitë në SHBA, dhe presupozohet që brenda dy javësh ka shkuar 3 herë dhe si ka mundësi që për të dytën herë nuk ka asnjë foto, axhendë apo informacion se ku ka shkuar kreu i 5D.
Mos harroni, është person publik, është kryebashkiak i cili shkon me para publike, me paratë tona shkon në Amerikë për interesa personale dhe asnjë e dhënë nuk bëhet publike,” tha Drejtuesi Politik i PD për Qarkun Tiranë, Belind Këlliçi, duke përfunduar:
“Sepse, SPAK po i jep kohë për të shkuar për të gjetur azil politik, por ne nuk do e lëmë, ne do e vijojmë betejën tonë më të fortë se kurrë dhe për vjedhjen që ke bërë në këtë qytet, ti do të ndëshkohesh, si as edhe një njeri më para në historinë politike të Shqipërisë.”
