Nuk ka Zot në qiell për Bashën, por ka Qet Kastrat dhe Kunat në tokë që…
“Nuk ka Zot në qiell që komplekson Lulzim Bashës, sot jo. Sot, mua, bashkëpunëtorët që kam në krahë, sot s’na komplekson njeri. Sot jemi në të drejtën e tonë t’iu themi shqiptarëve se kemi mbrojtur interesin tuaj, çdo qindarkë të xhepave tuaj,” tha sot Kryetari i shkarkuar i PD, Lulzim Basha teksa po fliste për arrestimin e Ish-Ministrit të Mjedisit, Lefter Koka, si dhe emrat tjerë të përfshirë në aferën e inceneratorëve ku tha se ka emra të tjerë të politikës.
“Mafia e incerenratorëve shtrihet nga Edi Rama deri te ata që kanë dhënë para për të mbyllur gojën e mediave,” tha Lulzim Basha i cili nuk e ka të qartë se pse jepen para për të reklamuar një inceneratorë kur ai nuk shet asgjë por vetëm djeg plehra!
Meqë PaFrikë.al ishte media e vetme që mbështeti protestat kundërtraut të Qet Kastratit në Rrugën e Kombit dhe Partia Demokratike u tërhoq me urdhër nga lartë, pyetja më e natyrshme është se ç’kuptim ka reklama për traun në Rrugën e Kombit kur trau nuk shet asgjë vetëm, djeg kombin shqiptar duke e ndarë në dysh?!
Apo, përgjigjen nuk e ka për momentin Lulzim Basha sepse është i kompleksuar nga Zotërat e tij në tokë, Qet Kastrati dhe Kunati ku njeri jep dhe tjetri shet reklama edhe për traun!
Në pjesën tjetër të daljes publike pas arrestimit të Ish-Ministrit të Mjedisit, Lefter Koka, Kryetari i shkarkuar i PD Lulzim Basha foli për denoncimin dhe arrestimet për inceneratorët, si dhe SPAK-un të cilit pas akuzave të shumëta me vite të tëra sot i ka qarë hallin se është nën presion të madh.
