Nuk kalojnë Vettingun, Arta Marku hap garën për prokurorë në KLP

Në kushtet kur pas sitës së Vettingut, vetëm një nga kandidaturat e Prokurorive të Apeleve, është konfirmuar në detyrë, Kryeprokurorja e Përkohshme, Arta Marku hap garën për gjithë prokurorët e interesuar për Këshillin e Lartë të Prokurorisë, të depozitojnë kërkesën bashkangjitur me një listë dokumentesh që nevojitej.

Edhe pse ndër prokruorë nuk shprehet ndonjë interesim për këtë institucion të ri pas Reformës në Drejtësi, për faktin se kandidaturat për KLP do ti nënshtrohen të parat Vettingut, sërish shpallet kandidimi.

Me një njoftim publikuar edhe në faqen zyrtare të Prokurorisë, theksohet se thirrja për aplikim vjen “Pas informacionit të ardhur nga Komisioni i Pavarur i Kualifikimit, Nr. 6250 Prot., datë 20.09.2018, për ecurinë e procesit të rivlerësimit për prokurorët e listës prioritare, kandidatë për Këshillin e Lartë të Prokurorisë, rezulton se, nga kandidaturat e Prokurorive të Apeleve, vetëm 1 prokuror është konfirmuar në detyrë.

Njoftimi i plotë:

Ne mbështetje të ligjit nr.115/ 2016 “Per organet e qeverisjes së sistemit të drejtesise”, ne Keshillin e Larte te Prokurorise do te jene 6 anëtare prokurore, nga te cilët:

1 anëtar nga Prokuroria e Përgjithshme; 2 anëtarë nga Prokurorite e Apelit; dhe 3 anëtarë nga Prokuroritë e Rretheve Gjyqësore.

Pas informacionit te ardhur nga Komisioni i Pavarur i Kualifikimit, Nr. 6250 Prot., dat5 20.09.2018, per ecurinë e procesit të rivlerësimit per prokuroret e listës prioritare, kandidatë per Këshillin e Lartë të
Prokurorisë, rezulton se, nga kandidaturat e Prokurorive të Apeleve, vetëm 1 (një) prokuror ështe konfirmuar në detyrë.

Per sa më siper, ftojme prokuroret e interesuar, që plotesojne kriteret sipas ligjit nr.115 /2015 “Per organet e qeverisjes se sistemit te drejtesise”, te shprehin interesin e tyre me shkrim drejtuar Prokurorit
të Pergjithshem, ne adresen elektronike: www. pp.gov.al ose në adresën Postare: Rruga “Qemal Stafa”, Tiranë.
Krahas kerkeses me shkrim, te interesuarit te bashkengjisin, te pakten, dokumentet e
meposhtme:
a) jeteshkrimin e perditesuar;

b) deklaratat individuale te prokuroreve qe i kane mbeshtetur, te nenshkruara rregullisht;

c) formularin e vetedeklarimit, sipas kerkesave te ligjit “Per garantimin e integritetit te personave qe zgjidhen, emerohen ose ushtrojne funksione publike”;

ç) nje platforme personale te qellimeve dhe objektivave qe propozojne te ndjekin ne qofte se zgjidhen;

d) nje deklarate individuale te nenshkruar, perkundrejt pergregjesise ligjore, qe nuk kane qene anetare ose bashkepunetore te sherbimeve te inteligjences perpara 2 korrikut 1991;

dh) nje deklarate individuale te nenshkruar, perkundrejt pergjegjesise ligjore, se nuk jane bashkepunetore, informatore ose agjente te sherbimeve sekrete;

e) informacion per te afermit e shkalles se dyte, ungj/emte, nip/mbese, gjlysh/gjyshe, gjysme vella/moter dhe te afermit e shkalles se pare te bashkeshortit/ bashkejetuesit, prinder, femije dhe vellezer/motra qe ushtrojne ne menyre aktive profesionin e avokatit ose jane pronare ose drejtues ekzekutive ne subjektet
ekonomike, te cilat klasifikohen si tatimpagues te medhenj nga autoriteti tatimor;

ë) listen e personave te lidhur, sipas kuptimit te ligjit “Per parandalimin e konfliktit te interesave ne ushtrimin e funksioneve publike”;

f) Formularin e Autoritetit per Informim mbi dokumentet e Ish-Sigurimit te Shtetit.

Afati, brenda te cilit duhet te dorezohet shprehja e interesit, eshte 15 dite nga dita e shpalljes se thirrjes se dyte ne faqen zyrtare elektronike te Prokurorise se Pergjithshme.