Nuk kemi hequr dorë, Rama: Në nëntor do të vendoset fasha 800 kWh!

Një ditë pas anulimit të fashës 800 kWh duke filluar nga data 1 tetor, vendim i cili u komentua si dorëzim para presionit politik dhe bombës sociale që mund të shpërthente, sot Kryeministri Edi Rama zgjodhi rrjetin social Facebook për ti treguar sërish dhëmbët shqptarëve duke u shprehur se ai nuk ka hequr dorë nga kjo fashë për konsumatorë familjarë dhe ajo do të vendoset në nëntor.

“Kemi pasur dy elementë që na kanë ndihmuar ta shtyjmë vendosjen e fashës e mos e vendosim në muajin tetor, ta shtyjmë, jo të heqim dorë. Elementi i para janë reshjet. Kemi pasur reshje që kanë shtuar kuotat në hidrocentrale. Element i dytë është një trend kursimi që ka bërë që nevoja për energji të jetë më e ulët se parashikimi. Kështu që ne këtë nevojë mund të vazhdojmë ta përballojmë. Nëse trendi i kursimit do të vazhdojë dhe nëse reshjet do të vazhdojnë ne do ta kalojmë pa asnjë problem. Në nëntor do të vendoset fasha duke pasur parasysh parametrat ose do i rikthehemi diskutimit. Kjo është objektive.

Nëse ka sot një mburojë mbi çmimin e energjisë dhe nëse sot familjet shqiptare dhe biznesi i vogël nuk kanë asnjë qindarkë rritje çmimi. Shikoni në faturën e energjisë dhe shikoni midis çmimit që ju e paguani dhe çmimit real. Në atë diferencë është qeveria shqiptare që mbron çmimin tuaj. Ato të ardhura plus përdoren për të mbrojtur qytetarin,” tha Edi Rama në komunikim me qytetarët ku pasi dështoi për ti bindur se do të luftoj ndërtimet pa leje sot u mundua ti bindë se nuk është as i korruptuar:

“Ndërtimet pa leje kanë qenë kanceri i këtij vendi, ka ndërtime pa lejen patjetër nuk diskutohet, por po të vijmë tek këto metrat katrorë pa leje abuzim mbi një leje ndërtimi e kemi ulur 10 fish.

Sot jemi në kushtet kur duhet t’i japim një goditje përfundimtaere këtij fenomeni të shëmtuar e fyes. E pamundur që ne të vendosim kontroll të plotë e të rreptë kur vjen puna te ata që ndërtojnë, një avlli, një çati dhe një shtëpi në fshat e të vijë të ketë shans për parrellinjtë e biznesmenët të hapen ndenjësesh e të bëjnë metra katrorë në kryeqytet,” tha Rama ndërsa kishte një përgjigje komike për një komentuese që i tha se po bën lojë të dyfishtë me ndërtimet pa leje:

“Po të ishte ‘loje e dyfishte’ e po të isha unë pjesë e lojës do i lejoja e në fund do i merrja për vete, jo për shtetin. Se kjo s’ka pikë logjike, është të fyesh inteligjencën tënde.

Çfarë është kjo lojë e dyfishtë? Kjo s’ka kuptim që i lejoj të ndërtohet e i marr për shtetin.
Sot ndodh sepse mua nuk më kap dot askush me para dhe për mua paraja nuk vjen asnjëherë e para.

Ka një problem me lekun me mua, duhet të përkulem për ta marrë, e unë nuk përkulem.”