Nuk lejoi kontrollon e Zyrës Presidentit, Edi Rama: Vjosa Osmani u kërcënua 2 vjet nga Prokuroria në Hagë

E dinte se ishte sekret shtetërpre, gjithësesi Kryeministri i Shqipërisë, Edi Rama, tha sot në Prishtinë se Presidentja e Kosovës, Vjosa Osmani, është kërcënuar për dy vjet nga Prokuroria e Specializuar në Hagë, pasi nuk lejoi që prokurorët të kërkonin prova edhe në Zyrën e Presidentit.

“Tani, mund të jetë sekret shtetëror këtu në Kosovë, por nuk është sekret shtetëror edhe për mua që presidentja e Kosovës është kërcënuar. Dhe këtë gjë nuk e dini sepse nuk është thënë asnjëherë, por po e them sot.

Është kërcënuar sepse nuk ka lejuar që prokurorët të dhunonin zyrën e institucionit të Presidentit të Kosovës, se me demek do të kërkonin edhe aty provat e krimeve kundër njerëzimit, gjë që natyrisht do ta vendoste Kosovën në sytë e botës si një shtet ku deri Zzyrën e Presidentit gjenden prova për krime kundër njerëzimit.

Dhe kërcënimi i Presidentes ka zgjatur dy vjet. Por, për nderin e saj dhe nderin e Kosovës, ajo e ka ndaluar një gjë të tillë,” tha Edi Rama në ceremoninë e promovimit të librit “Kur heshtja flet” të ish-ambasadorit Ahmet Shala ku dha si zakonisht leksione patriotizmi ndërkohë vetë Vjosa Osmani foli për librin duke theksuar se Ushtria Çlirimtare e Kosovës është ideali më i fuqishëm I ndërtuar nga shqiptarët ndër shekuj.

“Në ditët më të errëta patëm bij dhe bija që luftuan për liri dhe treguan se ajo kishte vlerë edhe më shumë se vetë jeta. UÇK është ideali më I fuqishëm I ndërtuar nga shqiptarët ndër shekuj. Për ta mbrojtur të vërtetën duhet ta shkruajmë atë. Ndaj falenderoj autorin e librit ‘Kur Heshtja flet’ që na tregoi se e vërteta jo gjithmonë flet me zë të lartë. Ai sjell të vërtetën e asaj që po ndodh në Hagë, ku kthen heshtjen në zë të fuqishëm.
Lufta e UÇK nuk ishte një akt impulsiv, por përgjigje e një realiteti të pa drejtë dhe shtypje popullore. Ishte luftë për dinjitet mbijetesë dhe për të mbrojtur të pa mbrojturit. Realiteti duhet kuptuar, jo instrumentalizuar nga ata që duan të deformojën historinë tonë,” tha Presidentja e Kosovës, Vjosa Osmani duke folur për gjykimin ndaj ish-krerëve të UÇK-së në Gjykatën Speciale në Hagë, që trajtohet në librin e Ahmet Shalës duke paralajmëruar në fund:

“Dëshirojnë ta deformojnë historinë tonë. Një histori e shkruar me gjak, asnjëherë, asnjëherë nuk mund të fshihet e as të shtrembërohet nga gënjeshtra të shkruara në letër”.