Nuk mjaftohet me dhunën policore/ Fyerje dhe përçmim, Ish-Gejeneral Lleshaj: Keqardhje për…
Pas reagimit të Policisë së Shtetit, aspak profesional dhe të skajshëm politik, Ministri i Brendshëm, Sandër Lleshaj, këtij reagimi i shton edhe fyerje e përçmim ndaj opozitës.
Kur policia refuzoi lulet për policët nga opozita, Ish-Gjeneral Lleshaj heshti; Kur u mbushën spitalet me protestues të lënduar nga gazilotësjellës dhe bomba zhurmuese, sërish heshti; Heshti edhe kur u gjuajt me gazlotësjellës njeriu më i angazhuar për protestë paqësore, kryetari i Partisë Demokratike, Lulzim Basha. Dhe pasi Policia e Shtetit tha një tufë me të pavërteta, thekson vetëm 3 të lënduarit e policisë por je edhe dhjetëra protestues që ishin lënduar nga po këta policë, ose prangat që i ishin vënë një çuni të ri vetëm pse është djali i kryetarit të PD Fier, Luan Baçi, sepse Ministri i zellshëm i Policisë së Edi Ramës u shfaq vetëm e vetëm për të thënë se opozita ka degraduar në gjendje parapolitike.
“Edhe sot Policia e Shtetit u vu në shënjestër të dhunës së verbër që mësynte ndaj Kuvendit të Shqipërisë. Keqardhje për degradimin e opozitës parlamentare në gjendje parapolitike dhe respekt për përgjegjshmërinë e profesionalizimin e Policisë së Shtetit,”thekson Ish-Gjeneral Sandër Lleshaj përmes rrjetit social Twitter duke mbetur i paqartë se çfarë është ajo opozitë në gjendje parapolitike kur e thotë një polici kriminale që ushqen fëmijë me gazlotësjellës, dhe janë të gatshëm edhe ta shkelin. U pa sot, ndihmë nuk i dha njeri!
Reagimi i policisë:
Partia Demokratike e aleatët e saj, organizuan sot një tubim në Bulevardin “Dëshmorët e Kombit”, i cili, në kundërshtim të plotë me ligjin, në mënyrë të papritur dhe të pa lajmëruar, por edhe në kundërshtim me vetë kërkesën e organizatorëve për vendin e protestës, u zhvendos në sheshin para Kuvendit të Shqipërisë.
Gjatë tubimit të paligjshëm përpara Kuvendit, protestuesit krijuan incidente me Policinë dhe më pas e goditën, gjatë përpjekjes për të çarë kordonin e forcave të rendit. Mbi punonjësit e Policisë së Shtetit u hodhën gurë dhe mjete të tjera të forta. Për pasojë u lënduan dhe po mbahen në mbikëqyrje mjekësore 3 punonjës policie, të cilët janë jashtë rrezikut për jetën.
Edhe mes tubuesve pati të lënduar, si pasojë e efekteve të gazit lotsjellës, të përdorur nga Policia për të prapsur turmat e dhunshme.
Menjëherë pas mbylljes së tubimit, në vendin ku pati akte dhune mbi forca e rendit dhe ndaj institucionit të rëndësisë së veçantë, u ngrit një grup i posaçëm hetimor.
Nën drejtimin e Prokurorisë së Rrethit Gjyqësor Tiranë, grupi hetimor po punon për identifikimin e autorëve të përfshirë si dhe dokumentimin e plotë të çdo episodi dhune.
Punonjësit e Policisë së Shtetit, të cilët u angazhuan në menaxhimin e tubimit vepruan me përgjegjësi të lartë dhe profesionalizëm, në përputhje me ligjin, duke garantuar ruajtjen e rendit e sigurisë publike si dhe respektimin e të drejtave të qytetarëve.Policia e Shtetit mbetet e angazhuar të sigurojë zhvillimin e çdo tubimi paqësor, duke garantuar në çdo rast, sigurinë e jetës së qytetarëve dhe rendin publik, në respekt e zbatim të Kushtetutës dhe ligjeve të vendit.
