Nuk mjafton as Arta Marku/ Qeveria kundër Gjykatës, mbronë Drejtorin e Kadastrës
Votuan në mënyrë kriminale Prokurorin e Përgjithshëm duke e pagëzuar edhe të Përkohshëm, degraduan procesin e Vettingut, mbushën me sigurimsa dhe kriminel KLP-në, dhe sot kur para Gjykatës çohet një Drejtor i Kadastrës, mobilizohet e gjithë Qeveria e Edi Ramës për ta mbrojtur duke akuzuar dhe shantazhuar si Pokurorin ashtu dhe Gjyqtaren e çështjes.
Pas reagimit të djeshëm kur gjyqtarja Besjana Garxenaj e la në burg Drejtorin e Kadastrës së Durrësit, Lirodon Pula, edhe sot Zv/Kryeministri Erjon Braçe ka vazhduar edhe sot me reagimin duke marrë rolin e Arta Markut, KLP e KLGJ-së dhe Reformën e tërë të Drejtësisë me të cilën mburret Kryeministri, vetëm e vetëm për të marrë në mbrojtje Drejtorin e dashur të Qeverisë së Edi Ramës, :
“Dje isha prezent në një proces gjyqësor publik, të hapur për të gjithë dhe të pa ndaluar për kërrkënd meqë paska tronditur disa hajdutë kjo ndaj një nëpunësi të shtetit. Një prokuror ka ngritur një akuzë ndaj këtij nëpunësi dhe është detyra ime të dëgjoj akuzën.
Çfarë është ky proces dhe kjo akuzë. Nuk është fare ajo që ka filtruar në publik prokurori, ajo që ka servirur prokurori. Ajo që kanë raportuar disa media. nuk ka fare lidhje me ish-drejtorin e ALUIZNI-t të ndaluar në Durrës, nuk ka lidhje fare me grabitjen e tjetërsim pronash. Është një çështje krejtësisht tjetër. Kompania Lura shpk ka ndërtuar me çdo leje të mundshme, kompleksin Lura 3. Ka aplikuar për të regj sipas ligjit çdo leje dhe është shërbyer konform ligjit. Kjo është çështja. Nuk ka lidhje as me grabitje pronash e tokash në Gjirin e Lalzit dhe as me legalizime objektesh. Askush nga palët në këtë çështje nuk janë ankuar apo kallëzuar për procedurat e ndjekura në zyrat e shtetit. Po kush ka kallëzuar dhe a është i dëmtuar?
Ka kallëzuar një njeri anonim pa lidhje me çështjen fare. Kallëzimi i është drejtuar specifikisht këtij prokurori. Ky është kallëzimi i personit anonim drejtuar Arjan Ndojës. Janë 5 faqe, në datën që korrespondon me fillimin e procedimit penal nga ky prokuror. Në asnjë rresht të tij kallëzuesi nuk përmend drejtorin e ASHK në Durrës. Ky prokuror ka marrë një kallëzim nga një shtetas anonim por njohës i procedurës së ASHK-së nga përmbajtja ku përmenden punonjës të tjerë por jo drejtori i ASHK. Kontratat në ASHK prokurori nuk ia tregoi Gjykatës.
Nuk përmendet, nuk kallëzohet gjëkundi, janë të tjerë njerëz. Prokurori mashtroi gjykatën dje ku si pikënisje të këtij hetimi tregoi Policinë e Durrësit, sektorin e krimit ekonomik kur policia nuk ka asnjë dijeni.
Këto fakte më bëjnë të mendoj se ky është një krim që i ka marrë lirinë një njeriu prej 4 ditësh. Akt i fundit i shantazhit.” tha Arta Marku dhe Gent Ibrahimi i Drejtorit të Kadastrës së Durrësit, Lirodon Pula, me detyrë Zv/Kryeministër i Shqipërisë dhe me emër e mbiemër, Erion Braçe.
Madje Braçe sot shkoj edhe më larg duhe u shprehur se nuk do ta njohë as gjykatësen që dha vendimin dje për arrest me burg.
“Kam heshtur deri dje, deri pas vendimit, për atë që dija unë mbi ngjarjen. Cili është presioni që paskësh ushtruar unë për këta të dy? Që të vihesh në dijeni të fakteve kriminale, e të vesh në dijeni institucionet e shtetit, e vërteta është e fortë, por nuk është presion. Nëse ky prokuror e kjo gjykatëse, në sistem ende, politikajt e tyre, banditët e tyre mendojnë se do më ndalojnë të monitoroj, dëgjoj vlerësoj e faktoj e të flas publikisht për gjithë çka shoh që konsumohet si krim për jetën e tjetrit, e kanë gabim, unë nuk jam i kësaj rrace. Unë do i dal për zot çdo nëpunësi të shtetit që shërben orë e pa orë në funksion të shtetit, pa i ndarë kurrë në të pasur e të varfër”.
Nuk dihet se se cili do të jetë fati i Drejtorit të Kadastrës së Durrësit, Lirodon Pula, kur qeveria kërcënon poshtë e lartë me vetting, por nëse Erion Braçe është i kësaj rrace, sot i rrezikuar është krimineli më i madh elektoral shqiptar në historinë e këtij shteti, Damian Gjiknuri, për të cilin përgjimet e “Bild” dëshuman se ka konsumuar si krim jetën e një kombi të tërë duke sjellë në pushtet këtë Qeveri.
Ndryshe, Gjyqtarja Besiana Garxenaj vendosi dje të linte në fuqi masën e sigurisë, që po kjo Gjykatë kishte vendosur në mungesë disa ditë më parë për Liridon Pulën, masë shtrënguese që propozoi edhe organi i Akuzës, i cili përfaqësohej nga prokurori Arjan Ndoji. Seanca u zhvillua me dyer të mbyllura, ndërsa mësohet se Pula ka mohuar akuzën e ngritur nga prokurori. I pranishëm në sallën e gjyqit ishte edhe Zv/kryeministri Erion Braçe.
