Nuk njohim asnjë vendim, Noka: 6 deputetë të opozitës u përjashtuan deri në mars!

Sekretari i Përgjithshëm i Partisë Demokratike, Flamur Noka, tha sot se Byroja e Parlamentit e ka shtyrë vendimin e përjashtimit të tyre nga 30 ditë deri në 3 muaj, në mars.

“Edi Rama kërkon të marrë peng parlamentin. Ai nuk pranon që ti dorëzojë drejtësisë Belindën, Lindën e AKSHI-t, Gysin dhe bandën e hajdutëve që e rrethojnë, sepse e di që gjithçka shkon tek ai. Në vend që të marrë masa për të përjashtuar Belindën, përjashton opozitën. Pra sot Shqiptarët kanë një mundësi që të shohin se në Shqipëri parlamentarizmi është marrë peng,” tha deputeti i PD, Flamur Noka, duk ekonfirmuar vendimin e Byrosë.

“U nis përjashtimi për 30 ditë, tani afati i përjashtimit shtyhet në kundërshtim me çdo rregullore, është shtyrë deri në mars. Pra është thënë 1 muaj, tani po e çojnë 3 muaj. 6 deputetët e opozitës janë përjashtuar deri në mars.”

Ndërsa sqaroi se përjashtimi nis nga 23 dhjetori deri nga data 3 mars, Skeretari i Përgjithshëm i Partisë Demokratike, Flamur Noka, duke e cilësuar vendimin e Byrosë së Parlamentit të turpshëm, ai tha se do ta çojnë në Gjykatën Administrative.

“Ne nuk njohim asnjë vendim të institucioneve të kapura nga kartelet dhe korrupsioni!”