Nuk quhet kot Ballkan, anulohet Samiti liderëve të rajonit dhe BE-së sepse dështoi tenderi organizimit!
Nuk quhet kot Ballkan, dhe nuk e ka kot edhe një shtet si Bosnje Hercegovina ku asgjë nuk funksionon dhe Bashkimi Evropian, BE, krenohet si krijues i saj!
Dhe, kur asgjë nuk funksionon pse duhet të funksionoj Këshilli i Ministrave të Bosnje Hercegovinës, e cila ndone kishte marrë përsipër të organizoj Samitin e liderëve të Ballkanit Perëndimor dhe Bashkimit Evropian, merr vendimin për të anuluar Samitin i cili ishte planifikuar të mbahej më 4 dhe 5 dhjetor në Neum të Bosnje Hercegovinës.
Lajmin për RFE e konfirmoi Zv/Kryetari i Këshillit të Ministrave të Bosnje Hercegovinës, njëherësh ministri i Mbrojtjes, Zukan Helez.
“Samiti është anuluar sepse ka dështuar tenderi për organizimin e kësaj ngjarjeje. Ka pasur një ankesë ndaj atyre që u kualifikuan si ofertuesit më të mirë,” tha Helez për RFE.
Por Zukan Helez i pashqetësuar për anulimin e Samitit të këtyre përmasave ku liderët evropian duhet të ndryshojnë agjendat për shkak të idiotsive ballkanike, shton se tenderi i ri për organizimin e Samitit do të shpallet “menjëherë” dhe se me shumë gjasë kjo ngjarje mund të mbahet në janar të vitit të ardhshëm.
Kjo ngjarje ishte planifikuar të mblidhte liderët kryesorë nga rajoni dhe BE, me synimin për të forcuar bashkëpunimin dhe për të shqyrtuar çështje të rëndësishme politike, ekonomike dhe shoqërore.
Në Samit, megjithëse nuk ishte konfirmuar zyrtarisht, siç është thënë për RFE nga Delegacioni i BE-së në Bosnje Hercegovinë, pritej të merrte pjesë edhe Marta Kos, e cila më 1 dhjetor merr detyrën e Komisioneres së BE-së për Zgjerimin.
Kjo do të ishte një nga vizitat e saj të para zyrtare.
