“Nuk urdhërova vendosjen e barrikadave”, ekspertët serbë: A gënjen Vuçiç?!

Në sistemin autoritar gjithçka varet nga lideri, sepse ai nuk lejon të jetë ndryshe. Nëse nuk do të ishte kështu kësaj radhe, do të ishim dëshmitar të një breshërie të tabloiditotëve kundër prodhuesve të verës, sepse edhe ata shkruajnë me urdhër të partisë SNS,” thotë për të përditshmen serbe “Danas”, sociologu Jovo Bakiç në përgjigjen e tij nëse është e vërtetë deklarata e Presidentit të Serbisë, Aleksandar Vuçiç, se ai nuk ka urdhëruar serbët e Kosovës që të vendosin barrikada në veri të Kosovës.

Ndërsa Drejtori i Qendrës për Politikë Praktike, Dragan Popoviç, është i prerë:

“Nëse diçka është e sigurtë këtu, atëherë nuk kemi asnjë arsye t’i besojmë Aleksandar Vuçiçit.”

Ndërkohë sociologu i njohur serb, shton se më nuk ka as dyshime:

“Nëse ekzekutuesit konkret janë personat e afërt me liderët e SNS, Zvonko Veselinoviç dhe Milan Radoiçiç, dhe tani është e qartë se janë, atëherë nuk ka më dyshime.”

Nga ana tjetër, Dragan Popoviç, thekson se edhe përvoja që kemi me liderët serbë në veri të Kosovës flet se lidhjet e tyre me regjimin në Serbi janë të asaj natyre, që me siguri se nuk do të vendosnin barrikadat pa urdhrin ose të paktën lejen e Beogradit zyrtar.

“Komunitetin serb në veri të Kosovës e drejton strukutra mafiozo-politike e cila në çdo pikëpamje varet nga pushteti në Beograd. Të gjithë ata kanë pozicione rezervë, në pasuritë e paluajtshme dhe zhvillimin e biznesit në Serbi, dhe me sjellje të këtij lloji nuk rrezikojnë asgjë,” tha Popoviç duke shtuar se njerëzit e thjeshtë në veri rrezikojnë gjithçka

“Dhe, në këtë situatë që janë, kanë ardhë pikërisht me veprimet e pushtetit serb i cili me vite ka ndërtuar dhe mbajtur strukturat paralele të pushtetit, dhe i kanë mbështetur duke ju mundësuar varësinë e plotë të njerëzve nga veriu i Kosovës ndaj klikës e cila drejton e pavarur këtë territor.”

Në fund, Drejtori i Qendrës për Politikë Praktike, Dragan Popoviç, duke folur për “Danas”, këshillon serbët të mos harrojnë se si përfunduan serbët në Kroaci:

“Herën e kaluar, kur politika e radikalëve serbë qeveriste Serbinë dhe mbështeti barrikadat në Kroaci më 1990, gjithçka përfundoi tragjikisht për të gjithë, por, para së gjithash, për njerëzit që qëndruan në barrikada. Do të ishte mirë sikur qytetarët e veriut të Kosovës të kujtojnë leksionin e kësaj historie.”

Ndryshe, dje Presidenti i Serbisë, Aleksandar Vuçiç, pas mbledhjes së Këshillit të Sigurisë tha se ai nuk ka urdhëruar që serbët në veri të Kosovës të vendosin barrikada