Nul loja e Ramës me kontrollorët e Rinasit, Gjykata e Apelit: Ndalim i paligjshëm!

Gjykata e Apelit Tiranë sot ka ndryshuar masën për 3 kontrollorët e Rinasit, Flora Ndreca, Muhin Mezini dhe Armando Fezga.

Atë që të gjithë njohësit e Edi Ramës e konsideronin deri më sot si lojë të Kryeministri, sot Gjykata e Apelit e ka vlerësuar të paligjshëm ndalimin e kontrollorëve të Rinasit dhe ka caktuar arrest në shtëpi për Mezinin, i cili ndodhet në burg, detyrim paraqitje për Ndrecën për të cilën Shkalla e Parë kishte vendosur ‘arrest shtëpie’ dhe arrest shtëpie për Armando Fezgën, i cili gjithashtu ishte në ‘arrest me burg’.