Numërohen 100% të votave, KQZ: Lëvizja Vetëvendosje e para!

Ka përfunduar numërimi i votave të zgjedhjeve parlamentare të 6 Tetorit në Kosovë dhe sipas rezultateve të publikuara në kohë reale nga KQZ, Lëvizja Vetëvendosje është e para e pasuar nga Lidhja Demokratike e Kosovës me vetëm 5.266 vota më pak.

Kështu, sipas Komisionit Qendror i Zgjedhjeve në Kosovë, pas 100 për qind të votave të numëruara, Lëvizja Vetëvendosje kryeson me 25.49 për qind përkatësisht 202.968 vota e pasuar nga Lidhja Demokratike e Kosovës me 24.83 për qind përkatësisht 197.202 vota.

Risi është ulja e numrit të votave të koalicionit AAK-PSD me në krye Ramush Haradinajn me 11.57 për qind përkatësisht 92.149 vota dhe koalicioni NISMA-AKR që nuk arriti të kaloj pragun me 4.96 për qind përkatësisht 39.495 vota.

Ndërkohë Lista Serbe, e mbështetur nga Presidenti i Serbisë Aleksandar Vuçiç, arriti të fitoj 6.61 përkatisht 52.620 vota.

Ndryshe, në Qendrën e Numërimit dhe të Rezultateve vijon numërimi i votave me kusht, të personave me nevoja të veçanta dhe votat që kanë arritur përmes postës.