Numërohen 99.88% e votave KQZ: Lëvizja Vetëvendosje e para!

KQZ vazhdon në kohë reale të publikoi numrimin e votave dhe rezultatin e zgjedhjeve parlamentare në Kosovë, dhe kur janë numëruar 99.88% e votave, Lëvizja Vetëvendosje vazhdon të kryesoj.

Kështu, sipas Komisionit Qendror i Zgjedhjeve në Kosovë, nga 99.88 për qind e votave të numëruara, Lëvizja Vetëvendosje kryeson me 25.49 për qind përkatësisht 202.884 vota e pasuar nga Lidhja Demokratike e Kosovës me 24.82 për qind përkatësisht 197.565 vota.

Risi është ulja e numrit të votave të koalicionit AAK-PSD me në krye Ramush Haradinajn me 11.58 për qind përkatësisht 92.131 vota dhe koalicioni NISMA-AKR që aktualisht nuk e kalon pragun me 4.96 për qind përkatësisht 39.458 vota.

Ndërkohë Lista Serbe, e mbështetur nga Presidenti i Serbisë Aleksandar Vuçiç, arriti të fitoj 6.61 përkatisht 52.617 vota.

Sipas ecurisë së numërimit të votave dhe publikimit në kohë reale nga KQZ, pritet për shumë pak kohë që të kemi dhe rezultatin final.

Për të gjithë të interesuarit, rezultatet e numërimit, Komisionit Qendror Zgjedhor vazhdon ti publikoj në kohë reale në faqen e KQZ, dhe mund ti ndiqni. Këtu