“O i shkreti Delfin, çfarë t’u desh që erdhe këtej nga anët tona!”
Ata që kanë pushuar dje tek Kavalishenca në Durrës kishin rastin të shohin një delfin të cilin deti e nxorri në breg. Siç duket ai duhet të ketë ngordhur ditë më parë, pasi trupi i tij ishte dekompozuar.
Akademiku Artan Fuga rrëfen ngjarjen e shëmtuar duke mos fshehur edhe zemërimin.
Ja dhe postimi i plotë:
Plehra!
Delfin i ngordhur i nxjerrë nga deti në Durrës në breg!
Ne vend të bëheshin ekspertiza si duhet meqë kemi të bëjmë me një specie të mbrojtur, erdhi eskavatori, e ngarkoi në një rimorkio portabli, hodhi ca rërë përsipër dhe hë te…plehrat!
Cfarë plehrash!
O Zot cfarë minimalistësh që jemi!
Ai që ka dhënë urdhër që pa ekspertizë ta hedhin Delfinin në plehra ka bërë shkelje të ligjit!
O i shkreti Delfin, cfarë t’u desh që erdhe këtej nga anët tona!
Këtej ikin, ti si naiv erdhe!
Tani aty te plehrat të hanë qentë e Durrësit!
