O’Brien; Më e rëndësishme është që serbët në Kosovë të jetojnë si qytetarë normal evropianë!

Nd/Sekretari amerikan i Shtetit për Evropën dhe Euroazinë, James O’Brien, tha se dëshiron që të gjitha marrëveshjet e arritura gjatë dialogut Kosovë-Serbi të respektohen, por më e rëndësishme është që serbët në Kosovë të jetojnë si qytetarët normal evropianë.

James O’Brian në një intervistë për televizionin shtetëror të Serbisë, RTS, tha se sa i përket themelimit të Asociacionit të komunave me shumicë serbe, duhet që marrëveshjet të respektohen, në këtë mënyrë që drafti i Statutit duhet të kaloj në Gjykatën Kushtetuese, por duhet të ketë dhe një dialog të gjerë që serbët në Kosovë të integrohen si në jug ashtu dhe në veri.

“E Asocacioni është një hap i rëndësishëm, që të bëhet një përparim dhe para se të formohet Asociacioni. Me rëndësis është që njerëzit të jetojnë normalisht, që të regjistrohen celebrimet, fëmijët e lindur dhe jemi duke punuar për gjithë këto çështje njëkohësisht. Obligimet ekzistojnë nga viti 2015, kur u firmosën për herë të parë, unë nuk mund të premtoj afat, por e rëndësishme është që serbët në Kosovë të jetojnë si qytetarët normal evropianë,” tha O’Brien duke shtuar se Shtetet e Bashkuara nuk janë vendi ku bisedimet e dy palëve po zhvillohen, por janë shumë aktive në terren.

“Me rëndësi është që të mbrohen qytetarët e të gjitha nacionaliteteve,” tha O’Brien duke saktësuar se qëllimi është që të bisedohet për çështje praktike në mënyrë që të përshpejtohet qarkullimi i mallërave, që në interes të gjithëve është që të hapen të gjitha vendkalimet kufitare dhe lënda e parë nga Serbia të futet në Kosovë, në mënyrë që të vazhdoj prodhimi.

“Hapja e vendkalimit kufitar është sukses. Shumë trafik është drejtuar nga vendkalimi kufitar,” tha O’Brien duke vlerësuar se sjellja e Prishtinës zyrtare duke mos koordinuar lëvizjet e saj me SHBA janë dëshirë e institucioneve kosovare që të tregojnë fuqi, e më pak të punojnë për popullin.

“Ka pasoja për këto veprime, e më e madhe është kur shtetet e fuqishme të Evropës nuk lejuan që Kosova të futet në Këshillin e Evropës. E gjitha kjo sepse nuk ka koordinim,” tha O’Brien.

Me këtë rast, Nd/Sekretari amerikan i Shtetit për Evropën dhe Euroazinë, James O’Brien, tha se nuk do të insistonte në sanksione ndaj Kosovës, sepse ato nuk zbatohen kur është në pyetje korrupsioni ose mbrojtja e të drejtave të njeriut.

“Problemet zgjidhen përmes bisedimeve,” ishte i prerë O’Brien ndërsa për eurointegrimet tha se SHBA dëshiron që të gjitha vendet e Ballkanit Perëndimor të lëvizin drejt Bashkimit Evropian, dhe në këtë kuptim është i rëndësishëm Plani i Rritjes.

“Serbia është ekonomia më e madhe dhe rajoni nuk do të mund të ec përpara nëse Serbia nuk integrohet. Konfliktet e vjetra mund ta bllokojnë Serbinë në këtë rrugë,” është i bindur O’Brien duke shtuar se qëllimi i Planit të Rritjes është që të gjitha ekonomitë e rajonit duhet të integrohen

“Plani i Rritjes thekson dhe sjellë atë që është e dobishme për integrime, e rëndësishme është që transferta e para të bëhet sa më lirë,” tha James O’Brien ndërsa foli dhe për takimet që zhvilloi në Beograd.

“Kemi biseduar mbrëmë për bashkëpunimin dypalësh në fushën e sigurisë dhe mbrojtjes. Na vjen mirë që jepni mbështetje për Ukrainën dhe Zelenskyyn. Dëshirojmë të çojmë përpara bashkëpunimin tonë,” tha O’Brien duke rikujtuar se javën e kaluar një kompani amerikane ka firmosur marrëveshje për ndërtimin e një centrali fotovoltaik.

“Kjo do të sjellë ajr më të pastër dhe do ti mundësojë Serbisë që të eksportoj energjinë elektrike në gjithë rajonin,” tha Nd/Sekretari amerikan i Shtetit për Evropën dhe Euroazinë, James O’Brien, duke siguruar se pas zgjedhjeve bashkëpunimi do të vazhdoj, ndërsa përfundoi:

“Dëshirojmë që Serbia të lëviz drejt Evropës dhe ekonomia e të saj të përparoj.”