OBSH, paralajmërim të ri për përhapjen e koronavirusit

Organizata Botërore e Shëndetësisë, OBSH, ka nisur një tjetër paralajmërim, duke thënë se pandemia koronavirusit është duke u zgjeruar më shumë se secilën herë tjetër prej kur ka shpërthyer virusi.

Vetëm Shtetet e Bashkuara më 1 korrik, kanë raportuar 50.000 raste të të infektuarve brenda ditës.

Shkalla e infektimit javën e kaluar ka arritur në nivelin më lartë, kanë treguar të dhënat e OBSH-së.

Shefi i kësaj Organizate, Tedros Adhanom Ghebreyesus, tha se numri i rasteve të infektimit brenda ditës ka arritur në mbi 160.000 në nivel global.

Rritja e numrit të të infektuarve ka detyruar zyrtarët amerikanë, sidomos në shtetet jugore dhe ato perëndimore, që të kthejnë mbrapsht vendimet për hapje të restoranteve dhe plazheve, në prag të shënimit të pavarësisë së SHBA-së më 4 korrik.

Kjo situatë duket se ka ndryshuar edhe tonin e presidentit amerikan, Donald Trump për vendosje të maskave.

“Unë jam për vendosje të maskave. Mendoj se maskat janë të mira. Njerëzit mund të më shohin duke e vendosur atë,”tha ai gjatë një intervsite për Fox Business.

Presidenti Trump është kritikuar për rezistim të vendosjes së maskës, mirëpo me rritjen e numrit të rasteve të infektimit, ai thaë më 1 korrik, “nëse do të isha shumë afër njerëzve, do ta vendosja atë”.

Kompania amerikane, Apple, raporton RFE, ka njoftuar se do të mbyllë 30 dyqane më 2 korrik, gjysmën prej tyre në Kaliforni.