OBSH: Viti i dytë i pandemisë mund të jetë më i ashpër!

Viti i dytë i pandemisë së koronavirusit mund të jetë më i ashpër sesa i pari, duke marrë parasysh si po përhapet ky virus, sidomos në hemisferën veriore, përfshirë qarkullimin e varianteve të reja, tha sot Organizata Botërore e Shëndetësisë, OBSH.

“Viti i dytë i pandemisë mund të jetë edhe më i vështirë, teksa shohim dinamikën e përhapjes,” tha Mike Ryan nga OBSH, gjatë një organizimi virtual në rrjetet sociale.

Në përditësimin e fundit epidemiologjik, OBSH tha se javën e kaluar është raportuar për gjatë pesë milionë raste të reja me koronavirus.

“Pas pushimeve, në disa shtete situata do të përkeqësohet përpara se të përmirësohet,” tha Maria Van Kerkhove, po ashtu pjesë e OBSH-së.

Sipas të dhënave të Universitetit Johns Hopkins, raporton RFE, autoritetet shëndetësore në gjithë botën kanë regjistruar mbi 90 milionë raste të infektimit me koronavirus, prej kur ka shpërthyer pandemia.

Prej tyre, 1.9 milion pacientë kanë vdekur.