OKB, Belgjika njeh shtetin palestinez: Kjo është mbështetje e të drejtës ndërkombëtare!
Pas Francës dhe Britanisë, edhe Belgjika ka njohur zyrtarisht shtetin e Palestinës. Kryeministri belg deklaroi në OKB se kjo është në mbështetje të të drejtës ndërkombëtare dhe vetëvendosjes.
Belgjika është rreshtuar zyrtarisht krah vendeve që njohin shtetin palestinez, duke mbështetur përpjekjet për një zgjidhje të qëndrueshme të konfliktit izraelito-palestinez. Lajmi u bë i ditur nga kryeministri belg Bart de Vives, gjatë Samitit për Palestinën në OKB, e thirrur nga Franca dhe Arabia Saudite për të promovuar zgjidhjen me dy shtete.
“Përmes kësaj iniciative, ne vazhdojmë të mbështesim të drejtën ndërkombëtare, në veçanti të drejtën e popujve për vetëvendosje,” tha e Vives duke shtuar se zgjidhja me dy shtete “nuk ka vdekur”, por ndodhet në një moment delikat.
Dje, në nisje të Samitit për Palestinën në OKB, Presidenti i Francës, Emmanuel Macron, tha se vendi i tij njeh zyrtarisht shtetin palestinez ndërsa e arsyetoj vendimin se po vepron në interes të paqes, mes kritikave nga Izraeli dhe Shtetet e Bashkuara.
“Në përputhje me zotimin historik të shtetit tim ndaj Lindjes së Mesme, paqes mes izraelitëve dhe palestinezëve, sot njoftoj se Franca njeh shtetin e Palestinës,”, tha Emmanuel Macron gjatë fjalimit në Kombet e Bashkuara, duk ee kosnideruar si zgjidhjen e vetme që do t’i lejojë Izraelit të jetojë në paqe, ndërsa e quajti këtë njohje një humbje për Hamasin.
Me këtë rast, Presidenti i Francës tha se operacionet ushtarake të Izraelit në Gaza po shkaktojnë një krizë të thellë humanitare:
“Qindra mijëra njerëz janë zhvendosur, plagosur, po vdesin nga uria dhe janë të traumatizuar psikologjikisht,” tha Emmanuel Macron.
Një ditë më parë, Britania, Kanadaja dhe Australia njohën zyrtarisht shtetin palestinez, duke iu bashkuar shteteve të tjera në një lëvizje që synon ringjalljen e përpjekjes për zgjidhjen me dy shtete. Palestinezët presin që në total dhjetë shtete të marrin këtë vendim në ditët në vijim.
Qeveria e kryeministrit izraelit, Benjamin Netanyahu, e kundërshton shtetin palestinez, duke e cilësuar si shpërblim për Hamasin. Kryeministri izraelit tha se ai do të vendosë se si Izraeli do të përgjigjet ndaj lëvizjes për njohjen e shtetësisë palestineze pas takimit me presidentin amerikan, Donald Trump, në Shtëpinë e Bardhë, që do të mbahet javën e ardhshme.
Administrata Trump duke kundërshtuar njohjen e shtetit palestineze tha se këto vendime po pengojnë bisedimet për arritjen e një armëpushimi në Rripin e Gazës.
Ndryshe, Në samitin në OKB, presidenti i Autoritetit Palestinez, Mahmoud Abbas, do të adresohet përmes video-lidhjes, pasi atij dhe dhjetëra zyrtarëve të lartë palestinezë iu refuzuan vizat nga Shtetet e Bashkuara, duke ua pamundësuar pjesëmarrjen në konferencë.
Sipas të dhënave nga OKB, tashmë 155 vende nga 193 anëtare të Kombeve të Bashkuara kanë njohur zyrtarisht shtetin palestinez.
Krijimi i një shteti palestinez pranë Izraelit në Bregun Perëndimor, Gazë dhe Jerusalemin Lindor – territore të pushtuara nga Izraeli në Luftën e Lindjes së Mesme më 1967 – shihet gjerësisht si mënyra e vetme për zgjidhjen e konfliktit, i cili ka nisur mbi një shekull më parë.
