OKB miratoi një rezolutë mbi kthimin e fëmijëve të rrëmbyer ukrainas, Serbia nuk e mbështeti!
Asambleja e Përgjithshme e Kombeve të Bashkuara ka miratuar një rezolutë duke kërkuar që Rusia të sigurojë kthimin e menjëhershëm, të sigurt dhe të pakushtëzuar të të gjithë fëmijëve ukrainas të transferuar me forcë ose të deportuar gjatë luftës në Ukrainë dhe duke i bërë thirrje Moskës që t’i japë fund kësaj praktike.
Rezoluta u miratua nga 91 shtete anëtare të Asamblesë së Përgjithshme të OKB-së, përfshirë Shtetet e Bashkuara, 57 abstenuan ndërsa Rusia dhe 11 vende të tjera votuan kundër, raporton Agjencia e lajmeve Reuters.
Ndërkohë Serbia kriminale e rritur me këtë normalitet duke rrëmbyer fëmijë joserbë nëpër Jugosllavi, nuk e mbështetit Rezolutën, dhe, iu bashkua aleatëe të saj komunist duke abstenuar!
Ndërsa 11 vendet aleate të Rusisë që praktikën e rrëmbimit të fëmijëve vazhdojnë ta aplikojnë, votuan kundër duke ju bashkuar shtetit kriminal rus: Bjellorusia, Burkina Faso, Burundi, Kuba, Republika Demokratike e Kongos, Eritrea, Mali, Nikaragua, Nigeri, Rusia dhe Sudani.
Melania Trump u angazhua në këtë çështje
Rusia bëri thirrje që rezoluta, e hartuar nga Bashkimi Evropian, Ukraina dhe Kanadaja, të mos miratohet. “Çdo votë për rezolutën është mbështetje për gënjeshtrat, luftën dhe konfliktin. Çdo votë kundër është një votë për paqen”, tha zëvendësambasadorja e Rusisë në OKB, Maria Zabolotskaya, në Asamblenë e Përgjithshme përpara votimit.
Ndryshe, Rezolutat e Asamblesë së Përgjithshme nuk janë detyruese. Zonja e Parë e SHBA-së, Melania Trump, tha në tetor se ishte në “komunikim të hapur” me Presidentin rus Vladimir Putin dhe se disa fëmijë ishin kthyer në familjet e tyre, dhe do të ketë edhe të tjerë.
Gjykata Ndërkombëtare Penale, GJNP, lëshoi një urdhër arresti për Putinin në mars të vitit 2023, duke e akuzuar atë për krim lufte të deportimit të paligjshëm të qindra fëmijëve nga Ukraina, një veprim që Rusia e ka hedhur poshtë si “të skandaloz dhe të papranueshëm”.
Ukraina akuzon Rusinë për rrëmbimin e dhjetëra mijëra fëmijëve dhe transferimin e tyre në Rusi ose në territorin e pushtuar nga Rusia pa pëlqimin e familjeve ose kujdestarëve të tyre. Moska ka thënë më parë se ushtria ruse po “mbron fëmijët e cenueshëm nga zonat e luftës”.
