Omerta për punët e pushtetit të Vuçiçit, media serbe: Serbia është sekret i madh!
Presidenti i Serbisë, Aleksandar Vuçiç, tha se kontratat me dy kompanitë kineze që kanë rindërtuar stacionin hekurudhor në Novi Sad, ku me rrëzimin e strehës më 1 nëntor mbetën të vdekur 14 persona – janë sekret biznesi, dhe nuk harroi të fajësoj pushtetin e kaluar, sepse, siç tha, qysh para 15 viteve ka firmosur marrëveshjen ndërkombëtare me Kinën ku parashikohet “sekreti“.
Përfaqësuesit e opozitës e kanë mohuar në mënyrë kategorike se marrëveshja ndërkombëtare e parashikon një gjë të tillë, duke shtuar se as në kontratat me kompanitë kineze nuk ka një klauzol mbi sekretin.
Mirëpo, kontratat, ende nuk e kanë parë dritën e diellit, e pse duhet ta shohin kur Presidenti tashmë ka sqaruar se si qëndrojnë gjërat, raporton e përditshmja serbe “Danas”. E në Serbinë Vuçiçit, megjithatë, dihet se sekreti i të gjitha punëve të mëdha në mas të madhe është i garantuar.
Për këtë arsye, opinioni publik nuk e ka parë dhe së shpejti as nuk do ta sheh dokumentacionin lidhur me projektin Jadar që paraqet “të ardhmen e Serbisë,” Ekspo “madhështor” ashtu si dhe Beogradin në ujë, stadiumin kombëtar të “jashtëzakonshëm”, autostradat që ndërtohen “më shumë se në kohën e Titos” ose punët shumë fitimprurëse të oligarkëve të përparimtarëve të Vuçiçit që i marrin me pazar të menjëhershëm.
Nën vellon e sekretit janë faktet e lidhura me sulmin terrorist në Banjskë, dhe në veçanti ato që kanë të bëjnë me vrasjen e Oliver Ivanoviçit.
Njëri nga simbolet e sekretit është dhe “dy minuta” videoinçizim i fatkeqësisë në traun e autostradës Dolevac, që u zhduk pa gjurmë pasi Presidenti e pa videon.
Maskat dhe kapuçët me sukses po mbrojnë anonimitetin e huliganëve “partiak” që këto ditë shkatërruan Shtëpinë e qytetit të Novi Sadit, si dhe të gjithë atyre që në vitet e fundit nxisin rrëmujë në protestat opozitare ose qytetare.
Sekret është dashur të mbetet edhe çdo gjë tjetër që kompromiton pushtetin nga kumbara e presidentit i cili nën ndikimin e kokainës shkaktoi fatkeqësi në trafik, “Oskarit” në mesazhet e Sky ECC të klanit të Darko Shariçit deri te plantacioni më i madh i marijuanës në Evropë, “Jovanjice”, ku vetëm për shkak të rrethanave aksidentale, dhe për çudi – të njerëzve me integritet, diçka edhe është zbuluar.
Njëra ndër “sekretet” më të mëdha, megjithatë, është prokuroria e shtetit e cila bëhet e vdekur për shumë skandale kriminale, të korrupsionit etj. ku janë tentakulat e pushtetit, arsye që prokuroria shtetërore “e padukshme” e meritoi dhe titullin e qenies mitike.
Dhe, këtu nuk është fjala për sekrete shtetërore, të shërbimit dhe biznesit, që janë legjitime. Fjala është për omertan në krye të shtetit të partisë së Vuçiçit, SNS, dhe pushtetit, pjesëtarët e të cilit, pa pikë frike, dhe të ndërgjegjshëm që nuk do të përgjigjen edhe kur skeletet fillojnë të bijnë nga dollapi, thonë se sytë tanë po na gënjejnë.
Gjithsesi, konstaton e përditshmja serbe “Danas”, po e vërteta a nuk është mbivlerësuar, në veçanti në shtetin institucionet e të cilit janë në pauzë, dhe zakonisht e përcaktojnë ata që shqetësimin më të madh e kanë popullaritetin, interesat e veçanta dhe xhepi i cili po shpërthen nga “ndershmëria”?
