Open Balkan s’mund të ketë, Kurti: Derisa Serbia nuk i pranon pasaportat e Kosovës, vulat, çertifikatat…

Kryeministri Albin Kurti sot e tha qartë se nuk mund të ketë “Ballkan të hapur” derisa Serbia nuk i pranon pasaportat e Kosovës, vulat, çertifikatat etj. ndërsa sqaroi se takimi me presidentin serb, Aleksandër Vuçiç, do të varet nga rezultatet e takimit të sotëm në Bruksel.

“Serbia për ta dëshmuar se është për Ballkan të hapur duhet të hapet njëherë për Kosovën,” tha Kurti ndërsa për paralajmërimin se Serbia, Maqedonia e Veriut dhe Shqipëria do t’i largojnë kontrollet kufitare nga janari i 2023-së, ai shtoi:

“Deri në datën kur e kanë paralajmëruar këtë gjë mund të ndodhen shumë zhvillimet politike. Një premtim i tillë më shumë është një parashikim i vagullt sesa ndonjë fakticitet që po e presin të gjithë”.

Në fund ai dhe iu përgjigj edhe akuzave të shumëta për energjinë energji, për të cilën ai tha se do të bëhen vetëm me Brukselin zyrtar dhe jo me palën serbe.

“Diskutimi në Bruksel do të ketë në epiqendër diskutimin e të pagjeturve dhe të zhdukurve me dhunë. Për rezultatet konkrete nuk do predikoja tani. Takimi që është paralajmëruar me presidentin e Serbisë varet nga takimi i kësaj jave dhe vullneti për progres. Fajin për mos pagesën e energjisë e kanë strukturat ilegale në veri. Licencimi i kompanisë është kompetencë e Zyrës Rregullatore të Energjisë. Ne për energjinë bisedojmë me Brukselin dhe jo me Beogradin. Nëse kjo temë ngrihet atje, ngrihet vetëm në raportin Prishtinë-Bruksel.”