Operacioni i Edi Ramës, shefi i kirurgjisë në QSUT: Në fushatë mund të dalë për 2-3 ditë!

Kryeministrit Edi Rama iu hoq apendicitit me metodën e labaroskopisë. Kjo ishte ndërhyrja kirurgjikale të cilës iu nënstrua Edi Rama pas mesnatës dhe për të cilën foli shefi i kirurgjisë në QSUT, Prof. Dr.Arben Gjata si dhe për gjendjen shëndetësore të kryeministrit:

“Asistuam disa mjekë. Isha unë, profesor Beqiri, Rahovica, ishte apendicit. U bënë ekzaminimet imazherike. Operacioni u krye me labaroskopi në 2 pas mesnate. Gjendja është stabël, e mirë, pa temperaturë. Sot besoj do të fillojë dhe do të ushqehet dhe brenda 24 orëve do të largohet në shtëpi. Koha e labaraskopisë është 3-4 ditë që të rimarrë veten. Kujdes shtesë? Është një apendicit. Operacioni u bë te sallat që kemi pasur,” tha profesor Arben Gjata duke shuar dhe shqetësimin mbi vazhdimin e fushatës zgjedhore:

“Në fushatë mund të dalë për 2-3 ditë!”