Opozita de facto është përjashtuar nga parlamenti, Berisha: Përgjigjen Edi Ramës do ja japim në çdo seancë!
Me vendimet antikushtetuese të Edi Ramës opozita de facto është përjashtuar nga parlamenti, tha sot Kryetari i Partisë Demokratike, Sali Berisha, duke paralajmëruar nisjen e aksionit të saj në parlament dhe kudo për ti dhënë përgjigje Edi Ramës.
“Opozita de facto është përjashtuar nga parlamenti si opozitë sovrane, në të cilën asaj në përputhje me kushtetutën i takon të përmbushë detyrimet ndaj qytetarëve që kanë votuar kundër qeverisë.
Por me vendimet antikushtetuese të Edi Ramës, i cili ka marrë përsipër për herë të parë në histori ti emërojë bashkëkryetarin që do ai opozitës dhe jo atë që zgjedh opozita vetë. Ti emërojë dhe ti rrëmbejë edhe postin e kryetarit të grupit parlamentar. Me bllokimin total të çdo nisme hetimore, parlamentare që është një mision kushtetues të opozitës.
Pas komisionit të inceneratorit, Edi Rama nuk lejon ngritjen e asnjë komisioni pasi çdo komision shkon tek ai dhe familjarët e tij. Prandaj opozita do të nisë aksionin e saj, në parlament dhe kudo për ti dhënë përgjigje Edi Ramës,” tha Sali Berisha pas pas së posaçme në kuadër të vizitës së Presidentit të Kroacisë, Zoran Milanoviç, duke përfunduar:
“Ju duhet të keni durim dhe të ndiqni në çdo seancë qëndrimet e opozitës. Ju garantoj se ato do të mbrojnë me të gjitha aspektet, interesat e qytetarëve opozitarë që nuk votuan këtë qeveri.”
Duke përshëndetur vizitën e Presidentit Milanoviç. Kryetari i PD garantojë Kroacinë se për ne marrëdhëniet me këtë vend mik, anëtar të BE-së dhe NATO, janë një përparësi e padiskutueshme në marrëdhëniet tona në rajon dhe me gjerë.
“Ishte detyrim moral dhe i gjithanshëm, në respekt të Kroacisë një vend mik i vërtetë i Shqipërisë dhe të presidentit të saj, Milanoviç i cili me qëndrimet e tij në Organizatën e Kombeve të Bashkuara, por edhe pas OKB-së ka dëshmuar ndjenjat e tij më miqësore ndaj shqiptarëve, Kosovës, por edhe të shtetarit në respekt të ligjit dhe të drejtës ndërkombëtare.
Të krahasosh ato qëndrime me qëndrimet e Edi Ramës, i cili për dy apo tre ditë me radhë e shndërroi Tiranën nga kryeqytet evropian që duhej të ishte në kryeqytet, në gjysmën tjetër të Beogradit, apo të them në kryeqytet të megafonave të luftës së ftohtë kundër Kosovës dhe Prishtinës, konstaton një kontrast si nata me ditën.”
Ndërkohë Kryetari i Grupit Parlamentar të PD, ka bërë të ditur se Grupi ka mbështetur kërkesën e studentëve të mjekësisë për të kundërshtuar në Gjykatën Kushtetuese ligjin që pezullon diplomimin e mjekëve të rinj për 5 vite.
“Duke respektuar reagimin e studentëve dhe protestën e tyre, pa asnjë ndërhyrje politike, apelojmë edhe njëherë për Qeverinë që të dëgjojë zërin dhe shqetësimin e studentëve dhe ti jap zgjidhje kërkesave të tyre,” shprehet Gazment Bardhi.
Ndryshe, studentët e mjekësisë vazhdojnë të bojkotojnë mësimin që nga nisja e vitit të ri akademik. Ata kanë kërkuar ballafaqim të drejtpërdrejtë me ministren e Arsimit dhe me zyrtarë të qeverisë për të kundërshtuar ligjinm të cilin e konsiderojnë të padrejtë!
