Opozita e Bashkuar: Sot protestë para Parlamentit!
Sot në orën 10:00 Opozita e Bashkuar ka organizuar një protestë para Parlamentit nga i cili dje hoqi dorë përfundimisht duke i dorëzuar mandatet.
Pas vendimit final për djegien e mandateve nga Këshilli i Kombëtar i PD, lideri i Opozitës, Lulzim Basha, ftoj qytetarët në protestë para Parlamentit të Shqipërisë i cili një orë e më parë do t’i kthehet Shqipërisë dhe shqiptarëve dhe jo krimit dhe korrupsionit:
“Ndaj ju ftoj, askush mos të mungojë në protestë, zonja dhe zotërinj, qytetare e qytetarë, demokratë dhe socialistë të tradhtuar nga rilindja kriminale, në orën 10:00 para Kuvendit të Shqipërisë i cili një orë e më parë do t’i kthehet Shqipërisë dhe shqiptarëve dhe jo krimit dhe korrupsionit.”
Nga rrethet është raportuar një mobilizim edhe më i madh se për Protestën e Madhe të 16 Shkurtit ndonëse represaliet nga ana e Policisë Politike të Edi Ramës kanë vazhduar edhe pas arrestimeve të protestuesve.
Në përpjekjet e fundit, kjo Polici Politike edhe mbrëmë iu drejtua qytetarëve përmes mediave në shërbim të Edi Ramës, se ka të dhëna për nxitje të dhunës dhe organizime me natyrë kriminale, me synimin për të hyrë në sallën e Parlamentit, ndonëse vetë kryeparlamentari, Shoku Gramoz anuloi seancën plenare para se të qëndiset kjo komunikatë policore.
I menjëhershëm ishte reagimi i Opozitës së Bashkuara e cila duke dënuar deklaratën e Policisë Politike dhe të Ministrit të fundit të Brendshëm të diktaturës komuniste për nxitjen e dhunës nga opozita në protestën e së enjtes para Parlamentit të Shqipërisë thekson qartë se nëse ka një skenar dhune apo sulmi ndaj institucioneve, ky skenar gjendet në zyrën e Edi Ramës.
“Sovrani do të ushtrojë nesër të drejtat e tij, në orën 10.00 para Parlamentit, i cili nuk duhet të mbetet peng i krimit dhe korrupsionit, por t’u kthehet sa më shpejt Shqipërisë dhe shqiptarëve.”
Ndryshe, lideri i Opozitës së Bashkuar, Lulzim Basha, ka sqaruar hapat e mëtejshëm të opozitës pas djegies së mandateve:
“E para, dorëheqja e Edi Ramës, largimi i Edi Ramës dhe hetimi i tij. Dhe qeveria tranzitore detyrë të parë dhe tranzitore do të ketë të arrestojë politikanët e kapur në vjedhje votash Vangjush Dakon.”
