Opozita e bojkoton, Haradinaj i befasuar: Mungesa e deputetëve në seancë është paaftësi e Kosovës!

Kryeministri i Kosovës, Ramush Haradinaj e ka quajtur veprim të nxituar bojkotin e opozitës për mospjesëmarrje në seancën e sotme të Parlamentit ku pritet të votohet Ekipi i ri i Unitetit për bisedimet ndërmjet Kosovës dhe Serbisë.

“Ata kanë mujt me ardh sot edhe me marrë hisen e vet. Unë jam në komunikim me spektrin politik në vend. Kjo formulë mund të ju duket e padukura, por si të jepet zgjidhja. Si me marrë partitë pushtet në një seancë të opozitës nëse opozita s’merr pjesë në seancë për me i dhënë pikëpamjet e veta. Nuk është kjo rrugë e duhur e opozitës. Mungesa e kuorumit është mosaftësi e Kosovës për me ecë këtë temë. Ne kemi krizë në Kosovë, gjendje ekonomike joaq të mirë. Kemi probleme të shumta, por po punojmë për me konsolidu Kosovën”, tha Kryeministri i Kosovës, Ramush Haradinaj.

Ndryshe, Grupi Parlamentar i lidhjes Demokratike të Kosovës, si dhe Vetëvendosje kanë vendosur që të mos marrin pjesë në seancën e orës 09:00 ku do të shqyrtohet propozim-vendimi i Qeverisë për emërimin e Ekipit Negociator për Normalizimin e Marrëdhënieve në mes të Kosovës dhe Serbisë.