Opozita e Edi Ramës!
nga Agim Popoci
Pas dorëzimit të mandateve nga ana e deputetëve të Opozitës, kryeministri Edi Rama filloi procesin e një krijimit të një Opozite që vepron aq sa atij i duhet që të qeverisë me krimin. Shumë prej bashkpartiakëve të tij fillimisht u çuditën, më pas kur e panë se ai e kishte me gjithë mend e lanë ujin të rrjedhë në shtratin që e kishte krijuar rilindasi më i madh i shkeljes së ligjit në historinë e shtetit shqiptar. Ndërkohë Opozita shqiptare e cila u detyrua të largohet nga Parlamenti për shkak të terrorit të Kryeministrit i prishi paksa planet e njeriut që nuk njehë asgjë që nuk është e Edi Ramës!
Pse vepron kryeministri Edi Rama në këtë mënyrë dhe çfarë e nxiti atë të deliroj deri në këtë pikë, kur iu krijuan kushtet për qeverisje me të gjitha pushtetet?!
Historia politike e këtij drejtuesi terrorist na mëson se ai nuk ka ndryshuar asgjë në mënyrën se si menaxhon dhe qeverisë institucionet ndonëse i dorëzohen si shtetërore.
Në vitin 1998 u la të bëjë Ministrinë e Kulturës së Edi Ramës ndonëse mori për ta drejtuar si Ministri e Kulturës së Republikës së Shqipërisë. Gjithçka që preki në atë godinë, murin, suvanë, rregulloret dhe ligjet i bëri blozë dhe në interes të njerëzve që e rrethojnë. Terrorit iu nënshtruan nga roja te porta ndonëse ishte punonjës i Ministrisë së Brendshme, deri tek Sekretaria, për të cilën diktatura filloi në vitin kur Edi Rama shkeli në këtë ministry. Këtij terrori, kjo ministri i shpëtoi vetëm kur ai iku, për të marr në dorë Bashkinë e Tiranës ku përsëriti procesin.
Në vitin 2000 kandidoi për kryetar të Bashkisë së Tiranës dhe fatkeqësisht fitoi. Punoi ca muaj për të arsyetuar të parin e kryeqytetit shqiptar dhe filloi shndërrimin e tij në Bashkinë e Edi Ramës. Mori kazmën, lamçe e shkrel, belg e parisien, për ta shdnërruar një qytet nën pushtimin e kioskave, në një qytet nën pushtimin e betonit dhe shumëkatsheve. Mori ca kovë me bojë dhe filloi të lyej pallatet sipas shijes së tij të sëmurë, rrugën e Durrësit e shndërroi në rrugën e Kandaharit, atë të Myslym Shyrit në të Saddam Hysseinit, Bllokun në Beton dhe komunën e Parisit në një banjo të madhe publike ku flejnë dhe gjumë. Xhaminë nuk e kishte shumë qejf po aq sa edhe muslimanët dhe ju afroi një xhami pa minare, filloi të broçkullisë për gjoja projekt danez, por këtu dështoi. Komunitetin Musliman e kishte shkelur por jo edhe gjithë muslimanët ndonëse u hipte sipër sa herë që faleshin në Xhaminë e Et’hem Beut. Por jo e gjitha përfundoi këtu!
Filloi ti fus hundët në Partinë Socialiste, e përçau përmes KPD-së, largoi plangprishësin e vetëm që mund ta kishte, Ilir Metën, dhe partinë kriminale PSSH e shndërroi në grupimin kriminal rilindje. Kur nuhati ardhjen në pushtet, kërkoi ndryshimin e Kushtetutës së Shqipërisë, kërkesë e cila për fat të keq iu plotësua dhe e shndërroi në Kushtetutën e Edi Ramës.
Falë mikut të tij Ilir Meta erdhi edhe në pushtet. Edhe në këtë moment veproi siç e don zakoni i këtij njeriu. Nga Edi Rama, kryeministër i Republikës së Shqipërisë u shndërrua në kryeministrin e Qeverisë së Edi Ramës, për ti shërbyer atyre që e sollën në pushtet. Kështu filloi dhe apokalipsi shqiptar!
Ministrinë e Republikës së Shqipërisë shtet anëtar i NATO-s e shndërroi në Ministri për mbledhjen e plehërave, Ministrinë e Brendshme në Ministri për mbjelljen dhe korrjen e marijuanës, atë të Kulturës në Ministrinë e qofteve të Butrintit, Minstrinë e Energjetikës e shndërroi në Ministri serbe të Tregtimit të Energjisë e atë të Financave në Ministri të Qetit dhe Manes.
Pas pak, Ilir Metën që e kishte nëpër këmbë e çoi në Presidencë dhe mori gjithçka që i duhej, me tepsi e kazanë, tenxhere me ose pa presion, për ti futur në një metalurgjik në mënyrë që ta krijoi Shqipërinë e Edi Ramës.
Por Shqipërinë kriminale të Edi Ramës e refuzoi Bashkimi Evropian! Nuk u çelën negociatat e anëtarësimit dhe ky fakt e tërboi. Filloi negociatat në mënyrën e vet dhe filloi të akuzoi Opozitën, si të vetmin institucion që nuk e kishte nën kontroll.
Pse i duhej identifikimi i një fajtori të tillë, dhe pikërisht Opozita, përgjigja ishte në të kaluarën politike të Edi Ramës. Në Shqipërinë e tij kriminale, vetëm Opozita nuk ishte e Edi Ramës dhe kjo ishte arsyeja që nisi këtë proces. Vështirësoi jetën parlamentare por Opozita i rezistoi terrorit të shokut Gramoz dhe krimielëve rë rilindjes që ishin veshur me petkun e deputetit. Deri sa rilindja po pasurohej me marijuanë, prostituta, PPP dhe konçesione nga më të ndryshmet, Opozita u mundua ta spastroj paksa Parlamentin nga kriminelët që po mbronin me ligje bëmat e rilindjes. Dhe, kur dekriminalizimi filloi të zbatohej, kur Edi Rama filloi të zbulohet me krimet e tij, kur vettingu u propozua edhe për politikanë, sulmet ndaj Opozitës u intensifikuan deri sa u asfiksua e tërë jeta parlamentare.
Paralel me këtë veprimtari kriminale kishte krijuar Prokuroren e Përgjithshme të Edi Ramës dhe kishte zhdukur nga faqja e dheut Gjykatën Kushtetuese dhe atë të Lartë të Republiëks së Shqipërisë, gjithçka në emër të krijimit të Shqipërisë së Edi Ramës.
Në këtë situatë, Opozita dorëzoi mandatet për të vazhduar aksionin e saj në rrugë dhe njeriu i cili krijoi Ministrinë e Edi Ramës, Bashkinë e Edi Ramës, Qeverinë e Edi Ramës, vendosi ta krijoi edhe Opozitën e Edi Ramës.
A do të funskionojë edhe Opozita e Edi Ramës?! Knutët e Strasburgut i thanë po, ai u bind shumë shpejtë dhe vuri në lëvizje KQZ-në por vetëm një gjë nuk kishte llogaritë: çfarë do të bëjë me opozitën jashtë seancës së Parlamentit, Opozitën e vërtetë Shqiptare!
Kur krijoi Ministrinë e Kulturës së Edi Ramës, Bashkinë e Edi Ramës, Qeverinë e Edi Ramës, Ushtrinë e Edi Ramës dhe Policinë e Edi Ramës, ajo mbështetej nga bijtë e kriminelëve komunistë që kishin drejtuar PPSH-n e PSSH-së.
Në opozitë mund të gjeshë sot edhe të tillë, kjo nuk përjashtohet sepse i janë bashkuar të djathtës shqiptare përmes LSI-së, por ajo nuk është Opozita Shqiptare. Sikur ta kuptonte opozitën pa lekët e drogës dhe krimit që ka në xhep, Edi Rama mund ta projektonte në kokën e tij edhe Shqipërinë e Edi Ramës me Opozitë Shqiptare, por nuk përfilli kohën në të cilën po zbaton këtë politikë kriminale.
Sot, Opozita Shqiptare që solli lirinë e të menduarit dhe lirinë shprehjes, lëvizjen e lirë dhe NATO-n, nuk njihet për suksesin e saj gjatë qeverisjes vetëm pse ngjadhnjeu ndaj bijëve të rilindasve të Edi Ramës, por sepse e donte Shqipërinë; Dashuri të cilën Edi Rama me kriminelët e tij nuk e njeh.
Dje, baballarët e rilindasve të Edi Ramës dashuronin vrasjet e shqiptarëve dhe Beogradin. Sot, vërtetë vazhdojnë ta duan Beogradin por prioritet kanë marijuanën që sjell lekë shumë shpejtë. Pa llogaritur këtu se ky lloj leku sjell vrasjen vetëm ndër zotëruesit e kësaj marijuane, Edi Rama solli një pështjellim të paparë.
Sot rilindjes së Edi Ramës, hormonet u janë ngatërruar, dashuria dhe urrejtja u janë mpleksur me paranë. Në këtë moment të zbatimit të projektit për krijimin e Opozitës së Edi Ramës me lekë, zotëruesit e parasë nuk kanë më se çfarë të marrin nga kjo tokë shqiptare. Krimi kur nuk paguhet vret, këtë më së miri e din kryeministri, ai i cili erdhi në majën e pushtetit ashtu siç po mendon ta sjellë në jetë Opozitën e Edi Ramës!
Për këtë dhe shumë arsye tjera, sot, në këtë krizë të thellë politike dhe ekonomike, lehona e Opozitës së Edi Ramës edhe mund të ndërroi jetë, në rastin më të mirë, politike…
