“Opozita e Edi Ramës”/ KQZ zëvendëson 4 mandatet e LSI-së

Komisioni Qendror i Zgjedhjeve, KQZ, ka nisur sot krijimin e “Opozitës së Edi Ramës” me dhënien e mandateve për deputetët e rinj të LSI-së, nga vijuesit e listës, pasi deputetët fitues dorëzuan mandatet.

KQZ i dha sot mandatin e Endrit Braimllarit, Edmond Rrushit, i cili ndodhet i dhjeti në listën e LSI; Aurora Mare mori mandatin e lënë nga Përparim Spahiu në Qarkun e Dibrës; Në Elbasan mandatin e LSI të Edmond Haxhinastos e mori Enver Roshi ndërsa në Qarkun e Tiranës, Floida Kërpaçi u zëvendësua nga kandidati i listës së LSI, Ylli Shehu.

Kështu “Opozita e Edi Ramës” nga deputetët aktual sa kishte me Myslim Murrizin e PD dhe Lefter Kokën e LSI që nuk pranuan të dorëzojnë mandatin, rritet me 6 deputetë  përkatësisht 4 deputetët e rinj të LSI-së.

Sot në mëngjes, Lefter Malqiri si kandidat i PD dorëzoi formularin e dekriminalizimit në KQZ dhe pritet të votohet në KQZ, ndërsa nga kjo listë e Partisë Demokratike nuk kanë firmosur dorëheqjen e mandatit as Zana Prela dhe Ligoraq Karamelo.

Ndërkohë për zgjedhjet vendore të 30 qershorit sot në KQZ ëshët regjistruar edhe Partia Kristian Demokrate me kryetar Dhimitër Myslia.