Opozita e Edi Ramës në Veprim, minohet Reforma Zgjedhore!

Kompromiset e Opozitës së Bashkuar për finalizimin e Reformës Zgjedhore i bëri nul Kryeministri Ei Rama me ata që minoi demokracinë në Shqipëri dhe që sot njihen si “Opozita e Edi Ramës”. Në fund, madje as nuk aktroi, nga foltorja e parlamentit, duke i dhënë përgjigje deputetes së tij në detyrë si opozitare, Rudina Hajdari, Edi Rama shprehu pakënaqësitë e tij lidhur me marrëveshjen e firmosur për Reformën Zgjedhore.

“Znj.Hajdari unë besoj që për sa më takon, e për sa na takon jemi përpjekur gjatë gjithë kësaj kohe që, ta shprehim respektin për nevojën e konsensusit duke mos ndarë ata që janë jashtë nga ju që jeni këtu brenda. Duke mos i konsideruar ata që janë jashtë si zotërues të monopolit të opozitës dhe ju brenda si mbetje e përkohshme në këtë parlament, po si opozita që sot ky parlament ka. Natyrisht që nuk do të ishte mbase e udhës që të shpjegoj se kjo qasje e jona nuk lidhet me faktin që s’i kemi votat. Pasi për të miratuar kodin zgjedhor dihet kërkohet një shumicë e cilësuar që nuk e kemi në këtë Kuvend. Po e sjell këtu këtë fakt për të nënvizuar atë që ka qenë e qartë në vijën tonë të sjelljes,” Edi Rama dhe si nona e diversionit në politikën shqiptare sot e bëri të qartë se nuk do të angazhohet në miratimin e Reformës Zgjedhore:

“Ne nuk do të kërkojmë rrugën e diversionit aq me pak të aritmetikës sikundër për fat të keq edhe ju më parë, kolegu juaj dhe zëdhënësi i fuqishëm i këtij ndryshimi, Murrizi na kanë akuzuar se duam ta mbyllim këtë pazar të Damianit me Oerdin duke blerë vota. Ndërkohë që, sot konsensusi nuk është dot produkt i shëndetshëm nëse shihet si rezultat i një marrëveshjeje mes dy palëve ndërkohë që në politikë në këtë fazë janë tre palë. Pavarësisht se ju e keni firmosur vetë marrëveshjen mbi të cilën është ngritur puna e detajuar.

Besoj që ne na takon si forca më e madhe politike por edhe si forcë që ka përgjegjësinë të shohë përtej interesave të saj të përpiqemi deri në fund për një konsensus ku çdo palë do duhet të pajtohet me faktin që nuk mund të marr gjithçka dhe duhet t’ju kujtoj juve këtu e ata që nuk janë e dërgojnë edhe ultimatume nga jashtë, për cfarë duhet të bëjë Kuvendi, që edhe PS ka të drejtën të thotë diçka. Nuk jeni një pakicë e ndarë në dy dhe vini vetëm kërkoni e i bini këmbës, për të marrë sipas jush atë që i duhet popullit ndërkohë që vullnetin e popullit e përfaqësojmë ne, as ju as ata. Nuk është nevoja për të vazhduar me provokime qoftë nga jashtë qoftë nga brenda.”

Përveç opozitës që komandon ai kishte mesazh edhe për ata që braktisën parlamentin:

“Atyre jashtë u them s’keni tagër t’i jepni urdhra Kuvendit. Sot kreu i kuvendit pavarësisht se i është drejtuar një urdhër, jemi të zhgënjyer nga fjalia e fundit që ju keni firmosur ku thuhet se Kuvendi duhet ta votojë atë marrëveshje pa asnjë ndryshim e pa kushte. Nuk di të ekzistojnë në këtë planet ndonjë institucion tjetër veç Gjykatës Kushtetuese, në raste të caktuara që mund t’i diktojë Kuvendit një gjë apo një tjetër. Tani mblidheni ju 4 veta, në një shtëpi shumë të dashur për  shqiptarët, që praktikisht sot është tokë amerikane, dhe fusni një firmë atje, dhe Kuvendi ta marr letrën tani dhe këta thjeshtë të votojnë.”

Dhe jo vetëm kaq! Sot Edi Rama u dëgjua të përdor një fjalor ndryshe nga sa kishte mësuar opinionin. Sot nuk i tha asnjë deputeti se do të përfundoj në listat e SHBA dhe BE nëse nuk votojnë Reformën Zgjedhore, siç bëri me opozitën që e lemerisi dhe e detyroi të largohet nga parlamenti, por deputetët e opozitës së tij i luti që të refektojnë:

“I fusni një firmë atje, Kuvendi ta marrë këtë letrën tani dhe thjesht të votojë. Kujtim po të drejtohem me emër tani kam përshtypjen se vuan nga fakti që nuk të ka persekutuar njeri në komunizëm dhe do të persekutohesh nga parlamenti duke dalë jashtë. Të lutem mos më ndërprit.  Është një dilemë që opozita juaj është dhe monarkike dhe demokristiane. Është një zhvillim i ri kur monarkia metamorfoizohet.

Sot jemi në një proces dhe mendoj se ju zonja Hajdari ju takon që një reflektim ta bëni për faktin që ne e kemi respektuar jo vetëm me fjalë nismën tuaj. Do thoni ju që s’kishim mundësi të bënim ndryshe, mbase. Mbase sepse nuk i keni votat por nga ana tjetër duhet të reflektoni dhe për faktin se është një proces kur konsensusi duhet të prodhojë një rezultat të qëndrueshëm për shqiptarët dhe vendin dhe ku çdo palë duhet të bëjë koncesionet e veta. Ne jemi pala që bëjnë më shumë koncesione. Në këtë rast koncesione politike jo për vepra publike.”

Madje durimi i Edi Ramës çuditi edhe vetë rilindasit. Foli për listat e hapura që kërkon opozita e tij edhe pse kjo është arsyeja e vetme që janë në parlament, deputetët që sot i kërkojnë:

“Të vazhdojmë qetësisht dhe të diskutojmë hapat. Ju e dini vendimin tim publik lidhur me listat e hapura. Unë nuk besoj në efektin e tyre çudibërës ashtu sikundër mendoj që listat e hapura e ndërlikojnë në mënyrë të qenësishme procesin e administrimit të votës. Jeni të gjithë dëshmitarë, kush më shumë e kush më pak, Myslimi ka dëshmitë e tij në shumë zgjedhje që në procesin e administrimit të votës, sidomos në procesin e numërimit, të gjithë atyre vagonëve të trenave të koalicioneve nuk është e lehtë. Po të llogarisim ato trena dhe në çdo vagon listat e hapura dhe po t’i kthehemi pak kohës se sa zgjat numërimi sot me lista të mbyllura nuk e di se si kur dhe si mund të mbarojë një numërim i pakontestueshëm.

Është e vërtetë që opinioni publik sot ka një bindje të përgjithshme që listat e hapura janë një zgjidhje e madhe për demokratizimin e përfaqësimit. Është shumë e vërtetë që listat e mbyllura sot shihen si kasaforta të mistereve, sekreteve dhe gjithë të këqijave të pathëna ashtu sikundër kuptohet gabimisht që po u hapën listat s’do ketë kryetar, do jenë thjesht noterë. Jo për t’ju provuar ju që unë e shoh veten time si kryetar i partisë më të madhe besoj që në këtë fazë na takon të bëjmë një diskutim. A arrijmë apo nuk arrijmë të merremi vesh është në proces. Por sigurisht po nuk u morëm vesh nuk kalojmë dot asgjë. As listat e hapura as numërimin partiak.”

Dhe, Rama vazhdoi pa fund duke sjellë në tavolinë edhe propozimin më të çmendur që mund ta nxjerrin nga goja fatkeqët që tradhtuan partinë, duke kërkuar dhe atë për të cilën aktualisht është e interesuar vetëm Partia Socialist, heqjen e koalicioneve

“Ne nuk jemi në kushtet që kemi bërë ndonjë martesë, që ta dish znj. Hajdari se ti e vuan shumë idenë e martesës sime me Lulin, por një krushqi e kemi në këtë rast por të dyfishtë dhe me ata dhe me ju që do ta bëjmë për të nxjerrë rezultatin nga salla se ndryshe na bie e gjithë që ka të bëjë me përmbushjen e një kushti i cili nënkupton një produkt me standarde dhe të krijojë një mundësi besimi më të madhe mes palëve. Nëse ju thoni ne duam lista të hapura, heqjen e koalicioneve dhe që në komisione PD dhe Lulzim Basha të mos ketë njerëz, atëherë po më thoni që ta tmerrojmë Lulin nga e para dhe të mos kemi mundësi të bëjmë asgjë për ta kthyer atë lepurin e madh në formë luani që është aty në formën e një maceje,” tha Kryeministri Edi Rama i cili me fjalorin që përdori arriti të bindë opinionin se nuk merr urdhëra nga Luli dhe jeniçerët e tij, por edhe se llumi opozitar që përdor në parlament është shumë më i zi se sa kanë lënë përshtypjen në ditët e para në shërbim të Edi Ramës.

“Sot në 2020-ën të thuash që administrimi i zgjedhjeve mos të bëhet nga partitë politike, është skandal. Ne do thoshim; dakord të gjithë mësuesit e Republikës së Shqipërisë të emëruar para 2013. Por se duan. Ne duam që të dalim me një frymë konsensusi politik të mirëkuptuar nga populli shqiptar. S’jemi këtu për të marrë urdhra nga PD dhe nga ju. Jemi këtu për të bërë tonën. Produkti nuk mund të jetë i njëanshëm. Ka shumë njëanshmëri produkti i tanishëm. Në këto kushte kur opozita është e fragmentuar. Ndoshta ju bëni pajtim, përfshihen në listat e PD. Ose ndoshta s’keni dalë asnjëherë. Administrimi është i njëanshëm. Mos ki merak zonja Hajdari, unë nuk hy tek ata që marr urdhra nga ata jeniçerët e Lulit. Ju nuk duhet të merreni me shantazhe se; “Ne ikim nga Kuvendi”. Kjo do të ishte dështim i madh.”

Në mungesë të thirrjeve telefonike nga ambasadat në numrin e Edi Ramës, ky i fundit e la të kuptohet se nuk i ka numrat për të miratuar Reformën Zgjedhore të arritur në Këshillin Politik, ndërsa opozita e tij filloj të bëjë skena para foltores duke shprehur paknaqësi, paknaqësi që munguan kur kjo mazhorancë miratoi Aktet Normative më kriminale që do të njeh historia e parlamentarizmit shqiptar; Dhe, ndërhyrjen në Kodin Penal që do ta kishin për turp ta miratojnë edhe bandat kriminale, për shkak të kriminalizimit të jetës së atyre të cilët nuk kanë dhunti për krim, që i bëjnë ndryshimet në këtë Kod!

Në fund, ndonëse Opozita e Edi Ramës mendon se braktisja që i bënë seancës plenare përbënë lajm ai nuk rezultoi i tillë sepse ky grupim kriminal i Kryeministrit Rama ka kohë që i ka braktis shqiptarët dhe jeta vazhdon edhe pa këtë llum politik.