Opozita kërkoi përsëritjen e seancës, Niko Peleshi shthur gjuhën si Edi Rama: Vijojmë punën…

Grupi Parlamentar i Partisë Demokratike ka vendosur të kërkoj përsëritjen e seancës, por kërkesa e këtij Grupi mori përgjigje nga Kryetari i Parlamentit, Niko Peleshi, ende pa dal nga goja e Gazment Bardhit, thuase Peleshi është në opozitë dhe është nxehur me sjelljen e pushtetit!

“Në seancën e sotme plenare miratuam programin politik dhe përbërjen e Këshillit të Ministrave, një hap i rëndësishëm për të çuar përpara vizionin qeverisës të vendit për Shqipërinë2030,” tha Niko Peleshi pa asnjë keqardhje pse Edi Rama urdhëroi ndërprerjen e seancës ende pa ja nisur dhe opozita nuk pati rastin as të flas në seancën që zgjati vetëm 27 minuta, ndërsa përfundoi:

“Kuvendi i Shqipërisë do të vijojë punën e tij, të mbështetur në Kushtetutë, Rregullore dhe Kodin e Etikës, duke garantuar standarde të larta pune dhe transparence, në përputhje me praktikat më të mira të parlamenteve të vendeve të Bashkimit Europian ku synojmë të integrohemi.”

Ky reagim me gjuhë të shthurur vejn pas vendimit të Grupit Parlamentar të PD ku kreu i saj Gazment Bardhi u shpreh:

“Së pari ne kërkojmë përsëritjen e seancës, solemne kushtetuese parlamentare, të paraqitjes së programit politik dhe të përbërjes së Këshillit të ministrave.

Së dyti i bëjmë thirrje Presidentit të Republikës të marrë gjithë praktikën parlamentare të asaj që ndodhi për të konstatuar që votimi është tërësisht antikushtetues.

Dhe, së treti, Grupi Parlamentar i PD ka vendosur, nisjen e procedurave parlamentare të shkarkimit për kryetarin e Kuvendit Niko Peleshi.” 

Ndryshe, askush nuk duhet të çuditet se si është e mundur që Niko Peleshi të ketë gjuhën më të shthurur se Elisa Spiropali dhe Edi Rama, thjeshtë kemi të bëjmë me një tejngopje pushteti, ku Kryeministri nuk ka as Plan të Qeverisjes dhe për të gjetur arsye se si të shmanget prezantimi i tij, nga ulësja urdhëroi ai jo Niko, të votohet Programi dhe Qeveria e re!