Opozita kërkon përfaqësim në Komisionin e Reformës Zgjedhore: Ose bëhet Reformë ose mercenarë jo!

Mbledhja e Komisionit të Reformës Zgjedhore përfundoi ashtu siç kishte paralajmëruar opozita, me bllokimin e punimeve nëse ajo nuk është e përfaqësuar, por ndryshe nga Komisioni i Mediave ku “burrneshat e Lulzim Bashës” luftuan për kolltukun e tyre, dy burrat e Edi Ramës të pronotuar për Reformë Zgjedhore, Damian Gjiknuri dhe Enkelejd Alibeaj, nuk ranë pre e urdhërit denigrues Rama-Basha.

“Mesazhi është i thjeshtë me kryetaro reformë nuk bën dot as Edi Rama askush. Ose bëhet reformë ose mercenarë jo,” tha Sekretari i Përgjithshëm i PD, Flamur Noka, vendosmëri të cilën Damian Gjiknuri si ekspert i manipulimit të zgjedhjeve e reflektoi me nivel edhe në komunikimin me ata që i kishin zënë kolltukun dhe pengonin mbarëvajtjen e punimeve të Komisionit të Reformës Zgjedhore.

“Reforma do të ecë para, do ta mendojmë si do vazhdojmë,” tha Damian Gjiknuri i vendosur për të vazhduar punimet e këtij Komisioni po aq sa opozita për ti bllokuar.

Pas kësaj situate të krijuar në Komisionin e Reformës Zgjedhore, Kryetari i Grupit Parlamentar të PD, Gazment Bardhi, tha se opozita nuk bllokoi Komisionin, por ishte mazhoranca që kërkoi t’i hidhte sy qytetarëve.

“Ishte premtuar një akt tjetër i farsës mes deputetëve të maxhorancës dhe me mandat opozitar për të bërë sikur kanë ndërmend të bëjnë Reformën Zgjedhore. Donin t’i hidhnin hi syve shqiptarë ve. Nëse do të donin që të mbyllin Reformën Zgjedhore, do të kishin bërë këtë gjë,” tha Gazment Bardhi duke sqaruar se Opozita dëshiron të marrë pjesë në Komision po nuk po lejohet ta bëjë një gjë të tillë.

“Sot opozita nuk ka bllokuar Komisionin, por mazhoranca. Edi Rama, nuk ka ndërmend të bëjë zgjedhje të lira dhe të ndershme. Ndaj nuk dëshiron përfaqësuesit e opozitës në Komisionin e Reformës Zgjedhore. Opozita dëshiron që të marrë pjesë në Komisionin e Reformës zgjedhore. Opozita dëshiron që të mbyllë këtë Reformë, por ajo mbahet peng nga Edi Rama.”