Opozita kërkon seancë të jashtëzakonshme për dialogun

Dy partitë opozitare, Lëvizja Vetëvendosje dhe LDK, pritet që sot të dorëzojnë sërish në Kryesi të Parlamentit kërkesën për seancë të jashtëzakonshme për çështjen e dialogut.

Deputeti i LDK, Armend Zemaj, tha se shumë shpejt pritet që të riprocedojnë  kërkesën për seancë të jashtëzakonshme në Kryesi. Ndryshe ne seance opozita merr pjesë vetëm kur në rend dite ka pika të rëndësisë së veçantë.

Glauk Konjufca, nga Lëvizja Vetëvendosje tha se së bashku me LDK-në  e shohin si të domosdoshme për vendin miratimin e rezolutë për dialog me anë të së cilës kërkohet ruajtja e integritetit territorial të Kosovës.