Opozita u largua nga seanca, mazhoranca miratoi ndryshimet e Rregullores së Parlamentit

Pas kundërshtimeve parimore, kur u pa se Partia Socialiste ishte e vendosur që të mos respektoi Kushtetutën, opozita u largua nga seanca në mënyrë demonstrative, ndërsa mazhoranca miratoi ndryshimet e Rregullores së Parlamentit me 79 vota. 

Kryetari i Parlamentit të Shqipërisë, Niko Peleshi, kaloi procedurën e seancës plenare për votim të projektvendimeve në rend dite dhe të Rregullores së Parlamentit, ndërsa opozita e pranishme në diskutime u ngrit dhe braktisi punimet e seancës.

Ky largim erdhi menjëherë pasi kryetari i PD, Sali Berisha, mbajti fjalën e tij për procedurë, ku u shpreh që mazhoranca të tërhiqej nga shkelja e Kushtetutës dhe keto ndryshime të mos miratoheshin në mënyrë të njëanshme.

Teksa Peleshi kërkoi votimin për prezencë dhe më pas procedurën e votimit, deputetët e PD dhe aleatët e tyre u larguan.

Mazhoranca vijoi me votimet e ndryshimit të rregullores, duke e miratuar me 79 vota për, asnjë kundër dhe asnjë abstenim.

Ndryshe, gjatë procesit të votimit mungonin 57 deputetë.