Ora e Shqiptarëve, Berisha: Data 12 nëntor, ora 16:00

Data 12 nëntor, ora 16:00 është ora e shqiptarëve, u shpreh sot Kryetari i Partisë Demokratike, Sali Berisha, në një komunikim me demokratët përmes rrjetit social Facebook duke sqaktësuar qartë se pas protestës së 12 nëntorit nuk ka kthim pas, deri në fitore përballë pushtetit.

“Do përpiqem për të bërë çdo gjë për një kthesë të rëndësishme të kësaj shoqërise dhe të këtij vendi. PD është e përqendruar në këtë kthesë, në realizimin e kësaj kthese të madhe. Ndaj dhe unë zgjodha të bisedoj me ju së pari për axhendën tonë, e cila konsiston në protestën e fuqishme të orës 16:00 të datës 12 nëntor. Në të cilën pjesëmarrja juaj, e mbarë qytetarëve shqiptarë, është një kusht jashtëzakonisht i rëndësishëm për triumfin e opozitës ndaj këtij regjimi.

Por shoqërisë shqiptare, ndaj këtij regjimi që mediat më të madha në botë e konsiderojnë shtet të falimentuar, në të vërtetë ky është një regjim monist i njëjtë me atë të Vietnamit, madje diktatura komuniste atje ka një performancë më të mirë ligjore se narkoshteti i Edi Ramës,” tha Sali Berisha duke ftuar shqiptarët në protestën e 12 Nëntorit.

“Data 12 nëntor, ora 16:00 është ora e shqiptarëve. Ndaj dhe ju ftoj të gjithë të bashkohemi në protestën më të fuqishme që ka njohur vendi ndonjë herë. Por sot ne jemi në prag të një zhvillimi tjetër madhor, të primarëve në Shqipëri. Unë e kuptoj se ato ngjasojnë me një oaz, në një vend ku vota është kthyer në fiktivitet. Por rrugë tjetër për zhvillimin e këtij vendi, përveç sistemit të votës së lirë, nuk ka,” tha Kryetari me një apel të veçantë për pjesëmarrje në protestën e 12 Nëntorit, për përfaqësuesit nga emigracioni:

“Ndaj ju ftoj sot, në mënyrë të veçantë zonjat, zonjushat, të rinjtë dhe përfaqësuesit nga emigracioni të bashkohen në këtë garë. Unë e di që ka pasur zemërthyer dhe kritika me primaret, por nuk jam tërhequr dhe nuk tërhiqem. Sepse ato kufizojnë pushtetin tuaj dhe ju japin ju pushtet.”

Në fund, Kryetari i Partisë Demokratike, Sali Berisha, siguroi njërin nga shumë skeptikët se çfarë do të ndodhë pas protestave:

“Të garantoj se kjo mbështetje është frymëzuese dhe kthim pas gjerë në fitore, s’ka dhe s’do të ketë. Përballja më ketë qeveri do të vazhdojë deri në fitoren e plotë të demokracisë.”