Orari i lëvizjes për 3 ditët e ardhshme, Vitia: Më 4 maj, masa të reja!
Ministri në detyrë i Shëndetësisë i Kosovës, Arben Vitia, duke folur sot për masat e reja për menaxhimin e përhapjes së koronavirusit tha se nga e hëna, 4 maj, 2020, do të zgjerohet koha e lirimit të lëvizjes së qytetarëve, nga 90 minuta në ditë, në tre orë në dy orare (para dhe pas dite) ndërsa lehtësimi i masave sqaroi ai, do të bëhet në tri faza.
“Heqja e kufizimeve do të bëhet në tri faza. Faza e parë nga 4 maj deri në 18 maj. Do të zgjerohet orari i lëvizjes nga 1.5 në tri orë, njëra paradite njëra pasdite. Gjithashtu hapim këto pjesë të ekonomisë: Ndërtimtaria, patundshmëria, tregtia me pakicë, zyret konsulencës, dhe orari, ndërkaq lista e veprimtarive do të publikohet,” tha Vitia duke sqaruar se faza e dytë do të fillojë më 18 maj, teksa lehtësimet do të bëhen në bazë të rekomandimeve të IKSHP-së.
“Faza e dytë, 18 maj deri 1 qershor: Lehtësohen masat varësisht nga rekomandimet e IKSHP-së dhe OBSH-së. Kalimi nga faza e parë në të dytën varet nga të gjithë ne. Nëse nuk kemi rritje të rasteve, natyrisht do të ecim përpara. Nëse infektimet rriten me shpejtësi atëherë do të kthehemi prapa.”
Ndërsa Drejtori i Institutit Kombëtar të Shëndetësisë Publikë të Kosovës, IKSHPK, Naser Ramadani, ka bërë të ditur se pavarësisht lehtësimeve që janë bërë në masat e reja, përsëri ndalohen grumbullimet, ceremonitë mortore e ahengjet familjare.
“Ndalimi i vizitave familjare, ndalimi i grumbullime, ndalimi në ahengje familjare e ceremoni mortore përveç familjarëve të ngushtë,” tha Ramadani duke i bërë thirrje që përsëri të kujdesemi për shëndetin e njëri-tjetrit dhe të mbahet distanca fizike prej dy metrash.
“Ju lutemi që të respektoni masat nga IKSHPK-ja dhe MSH-ja. Ju lus që të kujdeseni për shëndetin tuaj dhe të tjerëve. Ju lutem që të mbani distancë fizike 2 metra, higjienë personale dhe na ndihmoni edhe neve që ta kontrollojmë edhe më tutje situatën epidemiologjike. Na ndihmoni pak, që ne t’ju ndihmojmë shumë”, tha Ramadani.
Ndërkohë Ministria e Shëndetësisë ka publikuar orarin e qarkullimit për periudhën 1 deri me 4 maj 2020:
