Osman Mula: Edi Rama s’më firmos pensionin e veçantë vetëm se jam demokrat!

Mungesa e investimeve institucionale drejt artit dhe njëkohësisht përzgjedhja selektive prej qeverisë për të investuar te artistët, ishte një prej problemeve që theksuan dy prej personaliteteve të mëdha të artit shqiptar, Osman Mula dhe Vladimir Prifti, gjatë bisedës me Drejtuesin e Fushatës së Partisë Demokratike, Alfred Rushaj.

“Këta kanë gjetur një grup të tyre që e sponsorizojnë. Sponsorizimet vijnë nga një pjesë e shtetit, kryesisht bashkia, ku artistët i aktivizojnë për nevojat e tyre dhe dihet se kush janë. Siç kanë dhe një grup aktorësh që janë pjesë e tyre, ata bëjnë reklamat. Mirëpo arti nuk është ky, arti është institucional,” tha Mula.

Regjisori dhe kompozitori i njohur shqiptar, Osman Mula, rrëfeu edhe përvojën e vet, teksa tha se kryeministri aktual ka 7 vjet që nuk i firmos pensionin e posaçëm, vetëm pse është demokrat.