Pa Denar Bibën PS organizon zgjedhje pa probleme, Balla: Sot përmbyllëm fazën e parë…

Vetëm katër muaj pas zgjedhjeve më problematike vendore në historinë e shtetit shqiptar ndonëse pa kundërshtar të Partisë Socialiste, sot kjo parti votoi për delegatët e Kongresit të PS-së. Meqë procesi zgjedhor nuk ishte  në duart e Denar Bibës dhe Nëndegës së PS, KQZ, ai rezultoi pa probleme, dhe mbarëvajtjen e tij e konfirmoi edhe Sekretari i Përgjithshëm i Partisë Socialiste, Taulant Balla:

“Zgjedhjet e sotme me parimin “1 anëtar 1 votë”. U testua për herë të parë votimi elektronik në njësinë 8. Në stadin ku jemi kemi nevojë për riorganizim kapilar. Nuk kishte asnjë incident në këtë proces zgjedhor të brendshëm. Sot ishim në lartësinë e detyrës së këtij organizimi të madh politik. PS shkolle e funksionimit demokratik. Sot përmbyllëm fazën e parë të procesit të riorganizimit të PS-së, me zgjedhjen e delegatëve,” tha Taulant Balla duke e konsideruar votimin elektronik dhe votimin nëpërmjet postës, demonstrim shumë të rëndësishëm.

“Dy risitë që shënoi ky proces janë, testimi i teknologjisë në votimin elektronik dhe barazia gjinore, risia me e madhe e këtij procesi. 47 për qind e kandidateve gra dhe vajza. Procesi i këtyre zgjedhjeve rëndësi të veçantë, për pjesën e dytë të procesit. Ne stadin aktual të PS-së ka nevojë për energjizim. 706 delegatë të zgjedhur, 353 gra dhe vajza, 353 burra dhe djem. Në përfundim dua të falënderoj të gjithë themeluesit e partisë sonë. Kjo shkollë jete dhe politike çdo ditë e më shumë në funksion të njerëzve që janë të ftuar të kontribuojnë.”