Pa e njohur pavarësinë e Kosovës, Palmer: Serbia kurrë në BE!

Zv.Nd/Sekretari amerikan i Shtetit dhe Përfaqësuesi Special i Departamentit të Shtetit për Ballkanin Perëndimor, Matthew Palmer duke folur sot për dialogun Kosovë-Serbi para studentëve kosovarë në Bibliotekën Kombëtare tha se Serbia nuk do të anëtarësohet kurrë në BE pa e njohur pavarësinë e Kosovës.

”Serbia nuk do të hyjë kurrë në BE pa e njohur Kosovën. Ju nxis që ta shfrytëzoni këtë mundësi. E ardhmja e Kosovës do të formohet edhe nga fqinjësia e saj. Integrimi i Ballkanit Përendimor duhet të aplikohet. Kjo nuk është vetëm një punë e pakryer e SHBA-ve, mirëpo edhe interes i saj. Pa integrimin e tërë Ballkanit, partneriteti jonë është më i dobët,” tha Palmer ndërsa foli për zgjidhjen e konflikteve të gjata në rajon, luftimin e korrupsionit dhe ndërtimin e një qytetarie aktive, që sipas tij janë bazat për integrim në perëndim.

“Çka është më e rëndësishme, zgjidhja e konflikteve të gjata, luftimi i korrupsionit, ndërtimi i një qytetarie janë obligime kryesore rreth perëndimit. Për këtë duhet gatishmëri për ndërmarrjen e rreziqeve. Kjo është arsye pse është zhgënjyes fakti për mos-hapjen e negociatave për Shqipërinë dhe Maqedoninë e Veriut,” tha Matthew Palmer duke e thënë më qartë se kurrë se zgjidhja e marrëdhënieve në mes Kosovës dhe Serbisë mbetet prioritet strategjik i Shteteve të Bashkuara.