Pa përgjigje, Kryeministri vazhdoi me akuzat, Basha: Rama vazhdon cicërimat në vend që të bëjë detyrën!
Kryeministri Edi Rama nuk dha përgjigje pse spitalet janë në kolaps dhe pse përfunduan taksat shqiptare tek miqtë e tij, ama si mjeshtër akuzave vazhdoi kundër Lulzim Bashës me shprehje pa lidhje as me koronavirusin, as me spitalet dhe as me hetimet e Tribunalit të Hagës, që është pjesa më e errët e drejtësisë ndërkombëtare.
“Lulëzim nuk kalohet me sharje kjo historia e të kaluarës tënde si hetues i UÇK! Dil sqaro popullin! “Lulzim Basha ka punuar për Tribunalin dhe Departamentin e Drejtësisë së UNMIK pas luftës dhe ka hetuar personalisht vendmbajtjet e robërve në veri të Shqipërisë” Human Right Watch” thekson Edi Rama në reagimin e tij përmes rrjetit social Twitter
Kryetari i PD, Lulzim Basha, tha se Rama vijon me cicërimat dhe s’bën detyrën:
“Rama vazhdon cicërimat në vend që të bëjë detyrën. Shqipëria është në kulmin e infektimit ndërsa Rama është mbërthyer pas Instagramit. Po të shkulej nga Instagrami, do ta shihte sa e rëndë është gjendja. Të sëmurët, familjet dhe mjekët i ka braktisur pa asnjë ndiihmë. Rama shkatërroi ekonominë dhe tani po shkatërron jetët dhe shëndetin e njerëzve. Edhe sa shqiptarë duhet të humbin jetën për fajin e tij?”
Sërish reagoi Edi Rama jo duke dhënë përgjigje pse spitalet janë në kolaps por duke akuzuar Lulzim Bashën duke e marrë petkun e patriotit të madh shqiptar:
“Sharjet e akuzat qesharake për mua si fajtor pse në Shqipëri numrat e të infektuarve po rriten si kudo, s’të mbrojnë dot nga kjo hije e të kaluarës që këto ditë të rênda për Kosovën, vetëm zmadhohet e rëndohet nga bishtnimi yt! Dil sqaro rolin tënd në atë raport të turpshëm!”
Por e keqja nuk i del Kryeministrit Edi Rama, duke i kërkuar përgjegjësi Lulzim Bashës për kontributin e Dick Martyt.
“Lulëzim sa më shumë i shmangesh përgjigjes për kontributin tënd në raportin e Dick Marty,aq më shumë e pranon faktin e tmerrshëm se je pjesë e asaj loje të ulët për njollosjen e UÇK,ndërkohë që unë nuk dua ta besoj këtë dhe të bëj thirrje të dalësh e ta sqarosh popullin shqiptar!”
Ndryshe, Kryeministri Edi Rama nuk ka nga ta dijë sepse informohet nga Presidenti i Serbisë, Aleksandar Vuçiç, por deri tek Raporti i Dick Martyt është arritur nga hetimet, jo të hetuesve por të patologut spanjoll Jose Pablo Baraybar, i cili ishte Ish-Drejtor i Zyrës për Persona të zhdukur; 100 dëshmitë që mori në mënyrë paligjshme në tokën shqiptare ai thotë se janë zhdukur nga Zyra e OKB. Ndërkohë Raporti i Dick Martyt i cili u bë nga “vëllai i Ramës”, Aleksandar Vuçiç, arriti që i shoqëruar me Rezolutën, të futet në Asamblenë e Përgjithshme të Këshillit të Europës vetëm me heshtjen e politikës shqiptare.
