Pa plan, pa strategji/ Edi Rama premton lehtësime për të ardhmen…

Sot Kryeministri Edi Rama iu drejtua popullit ndryshe, me relax, pa kufoma dhe pa arkivole por larg komunikimit që mbajtën sot liderët botëror, në veçanti atij austriak, Sebastian Kurz, i cili përveç lehtësimeve tjera konfirmoi edhe hapjen e restoranteve më 15 Maj.

Dhe pasi ka marrë vendim për shtyrjen e gjendjes së jashtëzakonshme me 23 Qershor, masë që nuk e ka aplikuar as vetë Wuhani prej nga nisi kjo dramë kineze, Edi Rama sot foli për një kthesë graduale ku mileti duhet të bëjë durim. Foli për lehtësimet e reja në vend pas masave shtrënguese për shkak të pandemisë së koronavirusi, por theksoi se duhet të kemi një sjellje të re për sigurinë dhe t’i imponojmë njeri tjetrit kushte e rregulla .

Fillimisht premtoi se në fillim të javës tjetër do të merret vendimin në lidhje me shkollat dhe universitetet, të cilat janë mbyllur prej datës 11 mars për shkak të pandemisë COVID-19.

“Deri në fillim të javës tjetër, do kemi një vendim për shkollat dhe universitetet. Nuk është e lehtë. Harrojeni Suedinë. Vetëm Danimarka i ka hapur shkollat pjesërisht. Me të gjithë kryeministrat që kam folur thonë se nuk e dinë se ca do bëjmë. Ne kemi dhe një taksirat tjetër, pasojat e tërmetit. Ku kemi humbur shumë shkolla në zonën më të populluar të Shqipërisë, dhe kjo na ka mbipopulluar shkollat. Ndaj rrisku nëse hapim shkollat dhe ai është i madh,” tha Edi Rama e meqë nuk kishte asgjë konreket për të thë foli edhe për një plan për sezonin e ri turistik, i cili tha se mund të jet gati nga mesi i muajit maj.

Ditë më parë PaFrikë ka raportuar mbi planet e Kroacisë dhe Kryeministrit Andrej Plenkoviç për të sjellë turistët austriak, çek dhe hungarez në plazhet kroate, dhe vetëm sot Edi Rama thotë se ka kontaktuar homologun kroat:

“Sot fola me kryeministrin e Kroacisë, lidhur me turizmin. Jemi në kontakt me disa nga vendet që e kanë turizmin si ne, jetik për ekonominë e tyre por dhe pjesë të pandashme të jetës, njerëzve gjatë sezonit të verës. Akoma nuk dihet asgjë, por gjithsesi falë edhe ndërveprimeve të tjera, do e kemi dhe ne planin tonë për turizmin, brenda majit. Shpresoj brenda gjysmës së majit. Por duhet të shohim edhe situatën me epideminë, pasi është shëndeti mbi të gjitha. S’do lejojmë që të degradojë gjendja solide që kemi sot në frontin shëndetësor, pavarësisht stresit për të gjithë ne,” tha Kryeministri Edi Rama i cili vazhdon të mos lexoj sepse që nuk din të qeverisë nuk është lajm.

Ndërkohë për ata që nuk kanë marrë ndihmën ekonomike ose vazhdojnë të hallakatin trutë në izolim edhe me platformën e dështuar e-albania kur sot u ishte premtuar se do ti marrin këto para, ka një satisfaksion interesant që ofron një lider ndonëse është mizerabël dhe ballkanik; Për këta që ankohen u kujton se mund të ishin viktima, dhe nuk ka vend për shqetësim se nesër do të kryhen edhe 8 mijë verifikimet e fundit, duke përmbyllur fazën e parë të pagës së luftës.

“Sot ka shkuar në 52 mijë numri i atyre që kanë përfituar pagën e luftës. Dhe deri ditën e premte kryhen rreth 8 mijë verifikimet e fundit që mbyllin fazën e parë. Shumë ndjesë për kohën e marrë, por ishte e domosdoshme. Për dy fazat e tjera nuk do të ketë asnjë vonesë, asnjë problem e pritje pasi do të kalojë automatikisht në afatet e caktuara. Ndërkohë janë 65 mijë individë që janë refuzuar dhe që janë ankuar se pse u refuzuan. Por nuk hynin në kategoritë e pagesës së parë, të cilëve do iu mbërrijë deri në nesër konfirmimi në e-mail, nga paketa e zgjeruar, pasi janë tek ato kategori që mbulon paketa e zgjeruar me 40 mijë lekë. Tatim-fitimi për bizneset e vogla për 2020 është falur. Sigurimet e TVSH do paguhen.”

Në fund, Kryeministri Edi Rama duke mos harruar për asnjë çast se çdo rritje shpejtësie mund të na kushtojë shumë ashtu sikundër e tha kancelari i Austrisë, duhet të jemi të vetëdijshëm se ekziston pas çdo hapi mundësia që të tërheqim frenat e emergjencës dhe të kthehemi mbrapsht nëse numrat e të infektuarve do të rriten jashtë parashikimit të normales që do të ndodhë.

“Ne kemi njësoj siç kishim në fillim, në fazën e parë modelin tonë të parashikimit të numrave dhe ai model do na udhëheqë edhe në vendimmarrjet tona të cilat do të vazhdojnë të jenë dinamike. Prandaj mos u qani pse ndryshoj shpesh rregullat dhe vendimet sepse janë të pashmangshme kudo në një përballje ku mes nesh dhe të ardhmes nuk është vetëm sa duam ne të ecim shpejt drejt së ardhmes por ka një forcë të padukshme që kërkon të na dëmtojë shëndetin, të na marrë njerëz të dashur.”

Nëse nuk do kishim marrë masat që morëm, nëse nuk do kishim rezistuar dhe duruar, siç kemi bërë deri këtu të gjithë së bashku, nëse do ta kishim ulur kurbën e epidemisë nën parashikimin tonë më optimist, pikërisht falë kësaj lufte tha Edi Rama, sot që po bëjmë bashkërisht sot nuk do mërziteshim pse kjo leje, pse ky autorizim por do qanim shumë të vdekur e do dëshpëroheshim për shumë të plagosur në shtretërit e spitaleve tona që nuk do ta kishim mbajtur dot valën.

“Mendoni vetëm këtë. Po ta marrim modelin statistikor italian dhe ta adoptojmë këtu do të kishim 15 mijë të prekur dhe do duhet të kishim trajtuar në 5 javë, 855 vetë në terapi. E pamundur, e pamundur! Do na kishte sjellë 1995 të vdekur. E di që njeriu nuk ngushëllohet shumë me atë që nuk ndodh por sidoqoftë në këto kushte kaq të jashtëzakonshme duhet të mos e harrojmë se si mund të na kishte ndodhur edhe për një arsye tjetër për të mos gabuar duke kujtuar se e keqja iku, kjo punë mbaroi, nuk ka çfarë ndodh, nëse ne nuk vazhdojmë të bëjmë deri në fund detyrën siç e kemi bërë deri këtu. Mund të ndodh shumë keq se ç’mund të kishte ndodhur, më besoni, ky është fakt dhe duke kërkuar të normalizohemi dhe duke shkuar drejt normalizimit dhe normalitetit të ri duhet ta ndajmë mirë mendjen që për kushedi se sa kohë, askush nuk e di, normaliteti i ri nuk do të jetë normaliteti që kishim përpara se sa hymë në këtë kohë kaq të jashtëzakonshme dhe akoma më e rëndësishme për ta mbrojtur normalitetin e ri do duhet të kemi një sjellje të re secili në raport me sigurinë dhe do duhet që t’i imponojmë njeri-tjetrit të gjitha ato kushte, të gjitha ato rregulla dhe të gjithë atë rigorozitet që kërkon mbrojtja e realitetit të ri për të mos u kthyer aty nga ku ne dolëm deri tani me kaq shumë sukses.”

Nuk dihet qëllimi i kësaj dalje publike të Kryeministrit Edi Ramandërsa ju drejtua popullit, por e konfirmoi atë që Kryetari i Partisë Demokratike, Lulzim Basha e tha mëngjesin e sotëm, se Qeveria s’ka as plan, as strategji dhe ka dështuar në përballimin e situatës!