Pa shtet, betejë e frikshme me zjarret në Delvinë
Ushtarë dhe zjarrfikës të rraskapitur me pak sy gjumë për të rinisur betejën me flakët, që la pas shkrumb e hi aty ku shkeli, qytetarët largohen sa më shumë këtij vendi pa shtet, dhe, shteti kujtohet të nis helikopterë nga ajri.
Kjo është pamja e mëngjesit të sotëm në Delvinë pas ferrit të mbrëmshëm ku flakët po i afroheshin puseve të naftës, e shteti, i cili ka edhe buxhet për të ndërtuar pistë për Formula 1, nuk ka qoftë dhe një avion për shuarjen e flakëve nga ajri.
Këto janë flakët e mëngjesit të sotëm afër fshatit Kakodhiq, aty ku zjarret nuk njohin parti dhe tashmë patronazhistët e Edi Ramës nuk ja kanë ngenë për fikjen e zjarreve sepse janë në pushimin merituar pas vjedhjeve së votave të 11 Majit, në plazhet e botës.
Qytetarët e Delvinës, me të drejtë mëngjesin e sotëm po braktisnin qytetin të revoltuar për mungesën e shtetit, ca prej tyre që ishin ardhur nga Greqia për të ndihmuar familjarët e tyre thanë se nuk do të kthehen kurrë më, ndërsa pas kurrizit të tyre lanë dështimin e radhës së Edi Ramës, i cili për 12 vjet nuk e fitoi asnjë betejë me fatkeqësitë natyrore!
Në pushtet erdhi duke akuzuar Sali Berishën për Gërdecin dhe 21 Janarin! Në shtetet fqinje ndërkohë u panë ngjarje më të rënda se Gërdeci dhe 21 Janari, por asnjëra prej këtyre shteteve nuk është pa të paktën dy avionë për fikjen e zjarrit, sepse janë të qartë se vetëm zjarri nuk fiket me propagandë!
Kështu ndodhi në Gramsh ku u mendua se situata u vu nën kontroll përgjatë natës, por sërish e gjithë zona u zgjua nën alarm nga zjarret që kërcënojnë fshatra të tërë: Skënderbegas, Kullollas, Bledës, Shimër, Fushës, Zenelaj, Harunas. Aktualisht zjarret janë jashtë kontrollit, pavarësisht ndërhyrjeve të forcave zjarrfikëse të ndihmuar edhe nga vetë banorët ndërsa autoritetet vendore bëjnë thirrje që secili të japë kontributin e tij në këto momente të vështora që po kalon Gramshi, duke shtuar nuk është momenti për të bërë politikë, pasi kjo duhet lënë për një moment tjetër, edhe pse ky pushtet është i vetmi që bënë politikë në këto momente të vështira.
Situat alarmi është edhe në Berat ku në zonën e mbrojtur në Bashkinë e Poliçanit në Rezervatin e Menaxhuar Balloll, zjarri ka marë përmasa të mëdha në zonën pyjore.
Në vendngjarje po shkojnë 1 mjet dhe grup nga Zjarrfikësja Poliçan, ajo e Dimalit, 6 forca nga zjarrfikësja e Beratit, si dhe 30 forca të ushtrisë.
Shqetësuese paraqitet situata në fshatin Velçan, pasi flakët kanë pushtuar sipërfaqe të mëdha me me shkurre, ndërsa vatra e zjarrit në Orizaj, Rrip i Strorës, po zhvillohet me intensitet të ulet në sipërfaqe me shkurre.
Një zjarr i përmasave të mëdha ka shpërthyer mbrëmjen e së martës në fshatrat Goraj dhe Bratosh të Malësisë së Madhe, duke rrezikuar banesat e zonës. Era e fortë favorizoi përhapjen e flakëve, duke e bërë të vështirë kontrollimin e situatës, por pas rreth 5 orësh forcat e zjarrfikësve me mbështetje nga ndërmarrja pyjore, kanë arritur të lokalizojnë zjarrin.
Në orët e para të mëngjesit, flakët janë shuar plotësisht, dhe nga informacionet e para raportohet se rreth 10 hektarë tokë të mbjellë me shkurre janë djegur në pjesën përreth rrugës Goraj – Bratosh. Fatmirësisht, nuk raportohen dëme në njerëz apo dëme materiale.
Ndryshe nga Edi Rama i cili edhe mëngjesin e sotëm demonstron me kokëfortësi një paaftësi ekstreme, nuk flet për zjarret që po shkrumbojnë Shqipërinë por për lindjet invitro, zjarret që po shkrumbojnë tokën shqiptare po fiken me avionë të dy shteteve shumë të lodhura, Mali i Zi dhe Maqedonia e Veriut.
E pse mos të sillet kështu kur nuk i kërkon njeri llogari!
S’kemi parë gjë akoma!
