Pacolli-Palmer/ Njohja e ndërsjellë, qëllimi i dialogut Kosov-Serbi

Ministri i Jashtëm në largim i Kosovës, Behgjet Pacolli, në takim me Përfaqësuesin e Posaçëm të Sekretarit amerikan të Shtetit për Ballkanin Perëndimor, Metthew Palmer, u shpreh se normalizimi i marrëdhënieve me njohje të ndërsjellë me Serbinë është qëllimi i vetëm i dialogut.

“Ne e shohim dialogun si një proces të rëndësishëm që ka një mundësi për të mbyllur kapitullin e errët midis Kosovës dhe Serbisë.  Normalizimi i marrëdhënieve me njohje të ndërsjellë është qëllimi i vetëm, asgjë me pak, dhe vlerësojmë pozicionin e fuqishëm të Washingtonit për ketë synim,” thekson Pacolli duke dhënë detajet e takimit përmes rrjetit social Facebook ndërsa përfundon:

“Kosova mund të llogarisë si gjithmonë në ShBA, por edhe SHBA duhet të llogarisë tek ne, si partnerë të përkushtuar dhe të besueshëm.”

Ndryshe, Ministri i Jashtëm në largim i Kosovës, Behgjet Pacolli, ka zhvilluar takimin me Përfaqësuesin e Posaçëm të SHBA-së për Ballkanin Perëndimor, Metthew Palmer, në kuadër Forumit Strategjik në Bled të Sllovenisë.

Ja statusi i plotë:

Sot, në margiinat e Forumit të Bled-it, pata një takim me të Dërguarin te Posaçëm Amerikan për Ballkanin Perëndimor, Matthew Palmer. 

Unë e përgëzova z.Palmer për emërimin e tij dhe si një mik i vjetër i Kosovës në këtë pozicion të ri, do të vazhdojë të na mbështesë në të gjitha nivelet. Ne e shohim dialogun si një proces të rëndësishëm që ka një mundësi për të mbyllur kapitullin e errët midis Kosovës dhe Serbisë.

Normalizimi i marrëdhënieve me njohje të ndërsjellë është qëllimi i vetëm, asgjë me pak, dhe vlerësojmë pozicionin e fuqishëm të Uashingtonit për ketë synim. 

Kosova mund të llogarisë si gjithmonë në SHBA, por edhe ShBA duhet të llogarisë tek ne, si partnerë të përkushtuar dhe të besueshëm.