“Padi dhe akuza për Dumën”/ Përgjigjet PD: As Rama, as buratini i tij s’na mbyllin gojën!

Pasi kryetari i Bashkisë Tiranë, Erion Veliaj, do  të padisë në gjykatë Ish-Deputeten e PD, Grida Dumën për shpifje dhe e akuzoi si trafikante të njohur apartamentesh, ka reaguar Partia Demokratike duke theksuar se Edi Rama dhe buratini i tij kryesor janë të frikësuar dhe tani po përpiqen të mbyllin gojën e kujtdo që thotë të vërtetën.

“Ne nuk kemi frikë nga asnjë proces gjyqësor që tenton të imponojë heshtjen tonë, pasi jemi këtu vetëm për një qëllim që është interesi publik i shqiptarëve. As Rama, as buratini i tij, askush nuk do të na e mbyllë gojën.”

Ndryshe, Kryetari i Bashkisë Tiranë, Erion Veliaj, do  të padisë në gjykatë Ish-Deputeten e Partisë Demokratike, Grida Dumën për shpifje ndërsa e akuzon se si dëshirat e disa mafiozëve italianë për të bërë plane biznesi për Shqipërinë dhe dëshirat e PD-së që këto plane të jenë të vërteta, na janë bashkuar në gojën e një trafikanteje të njohur apartamentesh.

Reagimi:

Është e qartë: Rama dhe buratini i tij kryesor janë të frikësuar.

Ata po përpiqen të mbyllin gojën e kujtdo që thotë të vërtetën. Qëllimi i vetëm i tyre është të vazhdojnë të qeverisin në kurriz të popullit shqiptar me dështimet e tyre, pa asnjë ndërhyrje.

Ne nuk kemi frikë nga asnjë proces gjyqësor që tenton të imponojë heshtjen tonë, pasi jemi këtu vetëm për një qëllim që është interesi publik i shqiptarëve.

As Rama, as buratini i tij, askush nuk do të na e mbyllë gojën.