Pagesa e fundvitit, Pampuri: Qeveria e korruptuar preku dhe personat me aftësi të kufizuar!
Dora e qeverisë së korruptuar, preku dhe personat me aftësi të kufizuar, në festat e fundvitit, konstaton Ish-Deputetja e Partisë Demokratike, Orjola Pampuri, duke theksuar se këtë fundvit kjo kategori u penalizua duke mos i paguar pagesën e fundvitit, që është detyrim ligjor ndërsa mospagimi është shkelje ligjore.
“Qeveria penalizoi këtë fundvit edhe personat me aftësi të kufizuar, specifikisht, personat e verbër. Jeta e personave me aftësi të kufizuar është vështirësuar vitet e fundit, falë politikave sociale të ndertuara nga qeveria, në disfavor të tyre. Në takime të shumta që kam patur me ta, jam njohur me të gjitha vështirësitë dhe diskriminimin me të cilët ata përballen çdo ditë të jetës së tyre, sikur të mos i mjaftonte vështiresia që kanë dhe pengesat që ajo u sjell.”
Këtë fakt, rikujton Orjola Pampuri në reagimin e saj përmes rrjetit social Facebook, e ka vënë në pah dhe Komuniteti Special i Kombeve të Bashkuara për të drejtat e personave me aftësi të kufizuar, i cili e vlerëson të papranueshme dhe të rëndë punën e qeverisë dhe situatën aktuale të këtyre personave në Shqipëri.
“Këtë fundvit kjo kategori u penalizua duke mos i paguar pagesën e fundvitit, e cila është detyrim ligjor, dhe e kundërta, pra mospagimi është shkelje ligjore. Madje edhe reforma e ndërmarrë me VKM 380 të datës 5.06.2019, ka në fokus të ulë pagesat në masën 27 % të buxhetit për PAK.”
Të mos paguash apo shpërblesh personat me aftësi të kufizuar, në prag të festave, duke i diskriminuar përballë atyre pak kategorive për të cilët u menduan shumë t’i vendosnin një shpërblim tallës e qesharak, siç ishte shpërblimi i pensionistëve, thekson Ish-Deputetja e Partisë Demokratike, Orjola Pampuri, është si të vendosësh barrierë në rrugën e vështirë që kjo kategori përzgjedh të përshkojë ndërsa përfundon:
“Kjo qeveri nuk kurseu as këta persona, ndërkohë, është e kujdeshme e nuk harron kurrë të shpërbleje me 150 milionë dollarë, oligarkët, miqtë besnikë të xhepave të tyre.”
Ja statusi i plotë:
Dora e qeverisë së korruptuar, preku dhe personat me aftësi të kufizuar, në festat e fundvitit.
Qeveria penalizoi këtë fundvit edhe personat me aftësi të kufizuar, specifikisht, personat e verbër. Jeta e personave me aftësi të kufizuar është vështirësuar vitet e fundit, falë politikave sociale të ndertuara nga qeveria, në disfavor të tyre.
Në takime të shumta që kam patur me ta, jam njohur me të gjitha vështirësitë dhe diskriminimin me të cilët ata përballen cdo ditë të jetës së tyre, sikur të mos I mjaftonte vështiresia që kanë dhe pengesat që ajo u sjell.
Këtë fakt e ka vënë në pah dhe Komuniteti Special I Kombeve të Bashkuara për të drejtat e personave me aftësi të kufizuar, I cili e vlerëson të papranueshme dhe të rëndë punën e qeverisë dhe situatën aktuale të këtyre personave në Shqipëri.
Këtë fundvit kjo kategori u penalizua duke mos I paguar pagesën e fundvitit, e cila është detyrim ligjor, dhe e kundërta, pra mospagimi është shkelje ligjore. Madje edhe reforma e ndërmarrë me VKM 380 të datës 5.06.2019, ka në focus të ulë pagesat në masën 27 % të buxhetit për PAK.
Të mos paguash apo shpërblesh personat me aftësi të kufizuar, në prag të festave duke I diskriminuar përballë atyre pak kategorive për të cilët u menduan shumë t’I vendosnin një shpërblim tallës e qesharak, sic ishte shpërblimi I pensionistëve, është si të vendosësh barrierë në rrugën e vështirë që kjo kategori përzgjedh të përshkojë.
Kjo qeveri nuk kurseu as këta persona, ndërkohë, është e kujdeshme e nuk harron kurrë të shpërbleje me 150 milion dollare, oligarkët, miqtë besnikë të xhepave të tyre.
